Nehemia 9:27 - MUKANDA USANDU WA ZAMBI 1975

²⁷ Kashika waakunjikile kuli akwa kulimika no. O aapinjishile mba ha mwaka wa lamba lio, muze atetele kuli yena, ena mwilu waapanjikile; mba nikulita ni keke ye yeka ni yeka waatumine yilamwina waze aalamwinyine ku moko ja akwa kulimika no.

Mukanda Wa Zambi 1970

²⁷ kashika yiutayiza akwa kole jo kwakumba ni kwayula. Mu lamba lio yaateta kuli yena, yena mwilu yiwaakumbulula. Ni keke ye yinji yiwaatumina miata waze aalamwinyine kuli akwa kole jo.

Nehemia 9:27 Iomraidhean Croise

1 MIANANGANA 13:5

(Kashika Yehova yahana kuli A-Izalele umwe chilamwina, chocho yatusuka kuli A-Seria. A-Izalele atwamine mu mbalaka jo ngwe alingile kushi.

1 MIANANGANA 14:27

Yehova kazangile te kujimuna jina lia Izalele hashi. Kashika yaapulula ni kwoko lia Jeroboame mwana Njoashe.

1 MIANANGANA 17:20

Kashika Yehova yalituna munyachi weswe wa Izalele. Yaapinjisa, nikwakunjika mu moko ja akwa kwapupa, ndo haachiza kumeso jenyi.

1 MIANANGANA 17:39

Alioze Yehova Zambi yenu muvwilenu woma, mba iye kumanupulula ku moko ja akwa kole jenu eswe.

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Nehemia 9:19

hindu mu keke ye yeka ni yeka kwaehukile mu puya. Nguji lia lelwa kuliaakatukile ha mwalwa mukwasongwela mu jila; chipwe nguji lia kahia ha ufuku mukwapangulwisa, ni kwalweza jila yize chaatamba kuya.

Miaso (Masamu) 136:24

Watupulwile kuli akwa kulimika jetu; mumu utu wa zango lienyi wa mutolo.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Obadia 1:21

Akwa kulamwina kumakaya ku mulundu wa Zaione akayule mulundu wa Esau, mba wanangana kumuukapwa wa mbala wa Yehova.

Akwa Kuyula 2:18

Muze Yehova waahele mukwa kwayula, Yehova wapwile hamwe ni mwe mukwa kwayula, nikwalamwina ku kwoko Ha akwa kole jo matangwa eswe a mwe mukwa kwayula, mumu chavwishile Yehova keke kwivwa mikuma yize atwile mumu hali waze aapinjishile nikwahungumiona.