Nehemia 9:26 - MUKANDA USANDU WA ZAMBI 1975

²⁶ Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Mukanda Wa Zambi 1970

²⁶ “Alioze atu je yaabwa ni pami, yaakukolema, yaalituna Shimbi je. Yaashihashiha akwa munanyi waze aakanyamishine, waze aalongesele hanga atewuluke kuli yena. Yaakushililika tangwa ha tangwa,

Nehemia 9:26 Iomraidhean Croise

1 Yitanga Ya Mianangana 14:9

Alioze ena hiwalinga chipi kuhiana eswe akutetekelele. Hiwaya nikulinga mazambi akwo, ni tuponya twa kuzuzulula ukangwihie ku utenu. Hiwangumbila kunyima ye.

1 Yitanga Ya Mianangana 18:13

Kanulwezele mwata chize nalingile muze Jezebele washihile aprofeta ja Yehova ngwe naswekele kulakaji lia aprofeta ja Yehova makumi atano mu chivwenge, makumi atano mu chivwenge nikwaaha kulia ni meya nyi?

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

1 MIANANGANA 21:10

Mba Yehova yahanjika kuli tuvumbi twenyi aprofeta ngwenyi,

1 MIANANGANA 21:11

Mumu Manase mwanangana wa Yunda halinga yizelwokeso yino; halinga ungulungulu kuhiana yize yeswe A-Amore alingile, waze ahangile, havulumwisa nawa A-Yunda ni tuponya twenyi,

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Nehemia 9:18

Chipwe muze alilingilile mwana-ngombe wa kuzuzulula nikwamba ngwo, Yono Zambi yenu wanuchijile mu Engitu, nikukwihia kuhiana;

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Miaso (Masamu) 50:17

Se kwazangile lufumbo, wakumbila kunyima maliji jami.

Jeremia 16:11

Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 42:19

Yehova hanambe kuli yenu masalila ja A-Yunda ngwenyi, Kanda nuya ku Engitu. Kashika nyingikenu pundu hinanutoweza musono

Lungungu 3:42

Hitwavulumuna, hitwakolema, ni yena kwatukonekenene.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Mateu 21:35

Ahoze njimi akwachile ndungo jenyi, umwe amulambile, mukwo amushihile, ni mukwo amwashile mawe.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Shimbi 32:14

Maji a yamwa ya ngombe, ni yamwa ya mapanga, ni maji a ana-mapanga ni kuji a mapanga, yendo ya ku Mbashane hamwe ni pembe, hamwe ni tiliku yipema yahiana. Wanwine vinyu—e manyinga a uva.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.