Nehemia 9:25 - MUKANDA USANDU WA ZAMBI 1975

²⁵ Atambwile yihunda ya yipanga-ya-mawe, ni chifuchi cha chinuno. Azukile mazuwo a tò ni yuma yeswe yipema—mashima a kutota mu liwe, ni minda ya uva, ni minda ya olevwe, ni mitondo ya ngolo ya mihuko. Chocho alile, akuchile, atohele, ni kuwahilila mu upeme we unene.

Mukanda Wa Zambi 1970

²⁵ Atu je yaakumba membo akukoleka, chifuchi cha chinuno, ni mazuwo waze te haazala ni yikumba, ni mashima akutota, ni mitondo ya olive, ni ya vinyu, ni ya mihuko. Yaalia yeswe yize azangile, yaatohwa. Yaawahilila ni yuma yibema yize waahele.

Nehemia 9:25 Iomraidhean Croise

1 Yitanga Ya Mianangana 14:9

Alioze ena hiwalinga chipi kuhiana eswe akutetekelele. Hiwaya nikulinga mazambi akwo, ni tuponya twa kuzuzulula ukangwihie ku utenu. Hiwangumbila kunyima ye.

1 Yitanga Ya Mianangana 8:66

Ha tangwa liamuchinake yashika ni atu. O yawahisa mwanangana, yaya ku mazuwo jo nikuwahilila ni chiseke cha mbunge mumu ha utu weswe Yehova hasolola kuli David kavumbi kenyi ni kuli atu jenyi A-Izalele.

Nehemia 9:35

Mumu kakulingilile mu wanangana wo, ni mu upeme we unene waahele, ni mu chifuchi cha chinuno waahele kushi; kasolo kwecha yitanga yo ya ungulungulu.

Miaso (Masamu) 105:44

Waahele yifuchi ya mavungu. Azukile milimo ya mavungu ja atu;

Miaso (Masamu) 65:11

Wakuwahisa mwaka ni utu ngwe chipangula. Majila je eswe akusotokela ni maji.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Izaya 6:10

Pwisa mbunge ja wano atu ja maji, ni matwi jo akaleme, ni meso jo akafuke, kuchina akamone ni meso jo, akevwe hi matwi jo, akanyingike ni mbunge jo, akalumuke aawuke.

Izaya 63:7

Mungwambulula utu wa zango lia Yehova. Mungwambulula uhaliso wa Yehova, nikulita ni yuma yeswe Yehova hatwaha, ni yipema yize yinene hahana ku munyachi wa Izalele, yize haaha nikulita ni keke yenyi, nikulita ni kulumbama cha utu wa zango lienyi.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 31:14

Mungukayukisa mbunge ja asasendote ni kulumbama ni atu jami kumakayuka ni upeme wami. Chocho kanambe Yehova.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Daniel 11:24

Ha mwaka wa kuhwima makeza ndo ku yihanda ya chifuchi yize yili ni upite wunji. Makalinga yuma atato kalingile, chipwe akako, ni kumwanga hakachi ko upite wa kupupa, ni upite wa ku jita, ni yikumba. Makataka manyonga a kulimika ni yihunda ya kukolesa, alioze ha kashimbu wika.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

Shimbi 3:5

Eswe apwile membo ni yipanga yisuku yakujingilika, ni yajilo, ni njalo; kuwezaho yihunda yinji chikolo kuyishi yipanga.

Shimbi 32:13

Wamwendesele ha manangamo a hashi. Yamulisa kulia cha ku minda. Yamwaha kushisa wuchi ku liwe. Ku liwe lia utale yamwaha maji.

Shimbi 32:14

Maji a yamwa ya ngombe, ni yamwa ya mapanga, ni maji a ana-mapanga ni kuji a mapanga, yendo ya ku Mbashane hamwe ni pembe, hamwe ni tiliku yipema yahiana. Wanwine vinyu—e manyinga a uva.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.