Nehemia 9:23 - MUKANDA USANDU WA ZAMBI 1975

²³ Wokesele ana jo nawa ngwe matongonoshi a mwilu; waanjishile mu chifuchi chize wambile kuli atato ngwe, Mununjila ni kuchitambula.

Mukanda Wa Zambi 1970

²³ Yiwaaha ana anji ngwe matongonoshi a mwilu, yiwaatayiza kukumba chifuchi ni kutwama mo, chize walakenyene tushakulu two akachihinge.

Nehemia 9:23 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 15:5

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

1 Sango Ja Mianangana 27:23

Alioze David kalwile atu kushi lia makumi aali a miaka. Mumu Yehova te hanambe ngwenyi, Mungwokesa A-Izalele ngwe matongonoshi a mwilu.

Kutuhuka 1:12

Alioze chize cheswe alikolezele kwapinjisa, ahianyine kwoka. Yalitanda ku chifuchi cheswe. A-Engitu evwilile kupiha chinji A-Izalele.

Kutuhuka 1:7

A-Izalele asemene, okele chikolo, alumbamine, akanganyine; chifuchi yichitakana no.

Shimbi 28:62

Chipwe nwapwile mbunga ngwe matongonoshi a mwilu makanuhichika piliwiji, mumu kunwapanjikile ku liji lia Yehova Zambi yenu.