Nehemia 9:22 - MUKANDA USANDU WA ZAMBI 1975

²² Chikwo nawa waahele yifuchi ni mavungu yize waapangilile nikulita ni yihanda yo. Chocho azukile chifuchi cha Sahone, chifuchi cha mwanangana wa Heshebone, ni chifuchi cha Oge mwanangana wa Mbashane.

Mukanda Wa Zambi 1970

²² “Yiwatayiza kukumba mavungu ni mawanangana, yifuchi yize waatetelele. Yaakumba chifuchi cha Heshbone, chize te akuyula Sihone, ni chifuchi cha Bashane, chize te akuyula Oge.

Nehemia 9:22 Iomraidhean Croise

Miaso (Masamu) 105:44

Waahele yifuchi ya mavungu. Azukile milimo ya mavungu ja atu;

Miaso (Masamu) 78:65

Henaho Mwene walawile ngwe mu tulo; ngwe umwe mukwa tachi yoze unakalumioka ha mukunda wa vinyu.

Jeremia 27:5

yami mwene ni tachi jami jinene ni kwoko liami lia kuzoza hinatanga hashi, ni atu, ni tushitu waze ali hashi, mba nakuyihana kuli mweswe munguzanga kumwahayo.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Shimbi 1:4

muze te iye halamba Sahone mwanangana wa A-Amore, atwamine ku Heshebone, ni Oge mwanangana wa Mbashane, Watwamine ku Asatarote, ku Endreya.

Shimbi 32:26

Te nambile kwamba ngwami, Mungwamwanga kusuku. Mungwajimisa ku manyonga ja atu.

Shimbi 4:46

mu sali lia Yordau, mu chikulo chatalangana ni Mbete-Peore mu chifuchi cha Sahone, mwanangana wa A-Amore, Watwamine mu Heshebone yoze amulambile kuli Mose ni A-Izalele ha kukatuka mu Engitu.

Shimbi 4:47

Yazuka chifuchi chenyi ni chifuchi cha Oge mwanangana wa Mbashane, mianangana aali a A-Amore apwile mu sali lia Yordau kutala ku Chivumbuko.

Yoshua 10:11

Shimbu machichina A-Izalele nikupalumukina mulundu wa Mbete-Horone, Yehova mwilu wanokesene mawe anene hali ayo ndo ku Azeka nikwashiha. Waze afwile ni mawe anji; waze ashihile kuli A-Izalele ni katana akepe.

Yoshua 11:23

Chocho Yoshua watambwile Chifuchi cheswe nikulita ni liji lieswe Yehova wambile kuli Mose. Yoshua wachihanyine kuli A-Izalele chihinga nikulita ni minyachi yo, munyachi ni chihanda chawo, munyachi ni chihanda chawo. Mba chifuchi chahwimine ku jita.