Nehemia 9:20 - MUKANDA USANDU WA ZAMBI 1975

²⁰ Wahanyine Spiritu ye mupema kwalongesa. Kwachijile maná ye mu makanwa jo; waahele meya ha pwila yo.

Mukanda Wa Zambi 1970

²⁰ Mu utu ye yiwaalweza chize chaatamba kulinga; yiwalisa mana, yiwaaha meya a kunwa.

Nehemia 9:20 Iomraidhean Croise

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Miaso (Masamu) 105:41

Wapakwile luliwe, meya apukukilemo nikwenda muma mumu ngwe lwiji.

Miaso (Masamu) 143:10

Ungulongese kulinga upale we mumu yena uli Zambi yami. Spiritu ye mupema angusongwele mu chifuchi chize chinasalama.

Kutuhuka 16:15

Muze A-Izalele achimwene, yaliamba umwe kuli mukwo ni mukwo ngwo, Acho chika? Mumu kanyingikine chize chipwa. Mose yamba kuli ayo ngwenyi, Yino mbolo yize Yehova hanwaha nukalie.

Kutuhuka 16:35

Ha makumi awana a miaka A-Izalele alile maná ndo ahetele ku chifuchi kuze kwatwama atu, o alile maná ndo ahetele ku njiza ja chifuchi cha Kanana.

Kutuhuka 16:4

Henaho Yehova yamba kuli Mose ngwenyi, Mungukanunokesela mbolo ya kukatuka kwilu. Atu makatuhuka akalinge kulia cha tangwa ha tangwa hanga yami ngukaeseke, shina o makenda mu shimbi yami, shina ka.

Kutuhuka 17:3

Kwe kuze atu evwile pwila ya meya. E atu yalinyenyeta ni Mose ngwo, Kuchi te watuchijile ku Engitu? Mukutushiha ni pwila, ni ana jetu ni yimuna jetu nyi?

Kutuhuka 17:6

Yami mungumana kumeso je, ha liwe lize lili ku Horepe. Lamba lie liwe mba meya mapukukamo, hanga atu akanwe. Chocho alingile Mose kumeso ja makulwana A-Izalele.

Izaya 48:21

Ha kwasongwela mu mapuya kevwile pwila; waachijilile meya mu liwe; wapulile liwe, mba meya apukukileko.

Izaya 49:10

Kechi kevwa zala hanji pwila; kechi kalambiwa ni fuji ya chivukuminya chipwe ni mwalwa, mumu mukwa kwavwila keke kumakaatetekela, kumakaasongwela ku mafuji a meya.

Hagai 2:5

nikulita ni chilakenyo chize nanuhele ha kukatuka ku Engitu. Spiritu yami katwama hakachi kenu; kanda nwivwa woma.

Kwalula 11:17

Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

Yoano 4:14

alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo.

A-ROMA 15:30

Ngunaliumbu kuli yenu, mandumbu, mu jina lia Mwene wetu Yesu Kristu, ni ku zango lia Spiritu, nukalitachike hamwe ni yami mu yilemba yenu kuli Zambi,

1 Korintu 10:3

Eswe alile kulia chimuwika cha uspiritu;

Efesu 5:9

(mumu mihuko ya pangu yinasoloka ni upeme weswe ni ululi ni umwenemwene);

Yoshua 5:12

Mulinachi mba maná yapatuka muze te halia mbuto ya kutulika ya mu chifuchi. A-Izalele kamwene maná nawa alioze alile mbuto ya chifuchi cha Kanana mwaka uze.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.