Nehemia 9:2 - MUKANDA USANDU WA ZAMBI 1975

² Munyachi wa Izalele yalihandununa kuli yilambala eswe. Yamana nikushikisa milonga yo ni uhenge wa atato.

Nehemia 9:2 Iomraidhean Croise

1 Yitanga Ya Mianangana 8:47

chipwe chocho, nyi manyonga mu chifuchi kuze haatwala funge, akatewuluke akaliumbe mu chifuchi cha waze haatwala funge ngwo, Hitwavulumuna, hitwalinga nikupiya, hitwalinga ungulungulu.

Ezra 10:11

Kashika shikisenu kuli Yehova Zambi ya tulamba twenu nukalinge upale wenyi, nukalihandu-nune kuli mavungu a chifuchi ni kuli mapwo yilambala.

Ezra 6:21

Ni A-Izalele waze akatukile ku unjize, ni waze eswe hanalipalakenya no nikulihandununa ku luchisa wa mavungu a mu chifuchi akafupe Yehova Zambi ya Izalele, o yachilia.

Ezra 9:1

Muze halinga yino yuma, alemu ejile kuli yami ngwo, A-Izalele, ni asasendote ni A-Levi kalihandunwine ni akwa yifuchi; kanalingi nikulita ni yizelwokeso yo, chipwe ya A-Kanana, ni A-Hete, ni A-Perize, ni A-Yepushe, ni A-Amone, ni A-Moape, ni A-Engitu, ni A-Amore.

Ezra 9:15

Yehova, Zambi ya Izalele! Uli mukwa ululi! mumu hitwasala ngwe atu a piliwiji a kwomboka—chize twapwa kumeso je musono. Tala, tuli kumeso je ni uhie wetu, mumu niumwe mahasa kumana kumeso je mumu ha chino chuma.

Ezra 9:2

Mumu hambata ana jo a mapwo, hali ene ni hali ana jo. Chocho munyachi usandu hiunalifutula ni akwa yifuchi. Ni e alemu ni akwa kuyula hatetekela mu mulonga uno.

Nehemia 1:6

Matwi je akapanjike; meso je akatale, wivwe kulemba cha yami kavumbi ke, chino ngunalembe kumeso je haliapwila, mwalwa ni ufuku, hali tuvumbi twe A-Izalele, shimbu ngunashikisa milonga ya A-Izalele yize hitwakuvulumuna; ewa, ni yami ni munyachi wa tata hitwavulumuna.

Nehemia 10:28

Mba atu akwo, asasendote, ni A-Levi, ni akwa mapito, ni njimba, ni A-Netinime, ni waze eswe hanalihandununa kuli mavungu a yifuchi akalinge shimbi ja Zambi, ni mapwo jo, ni ana jo a malunga ni a mapwo, eswe aze apwile ni mana ni chinyingi,

Nehemia 10:29

o yalifutula ni akwo, ni alemu jo, akalikase ni shingo ni chilakenyo kwenda mu shimbi ja Zambi, jize Mose kavumbi ka Zambi wajihanyine, akafunge ni kulinga maliji eswe a Yehova Mwene wetu, hamwe ni upatwilo wenyi ni yiyulo yenyi.

Nehemia 13:3

Ha kwivwa shimbi yahandununa kuli A-Izalele mbunga yeswe ya kuchinga.

Nehemia 13:30

Chocho naapemesene kuli yilambala eswe; nasele milimo ya asasendote ni A-Levi, mutu mweswe ni milimo yenyi;

Miaso (Masamu) 144:11

Ungulamwine, ungupulule ku kwoko lia yilambala, waze makanwa jo akuhanjika yuma yamokomoko, ni kwoko lio lia chindume Hapwa kwoko Ha mahuza.

Miaso (Masamu) 144:7

Olola kwoko lie kwilu ungulamwine, ungupulule ku meya asuku ni ku kwoko lia yilambala.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 2:6

Mumu hiwalituna atu je, e akwa munyachi wa Yakomba, mumu hazala tò ni tahi ja ku Chivumbuko, ni akwa munanyi a kulifwa ni A-Filistea; kakukwata moko ni tundaka.

Jeremia 14:20

Yehova, tunatayiza ungulungulu wetu, ni uhenge wa tulamba twetu, mumu hitunakuvulumuna.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Daniel 9:20

Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Hosea 5:7

Halinga ni mafwefwe kuli Yehova, mumu hasema ana ja yilambala. Haliapwila makahwa ni kakweji mwaha hamwe ni minda yo.