Nehemia 9:17 - MUKANDA USANDU WA ZAMBI 1975

¹⁷ Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Mukanda Wa Zambi 1970

¹⁷ Koononokene ko, keewulukile ko yilayi yeswe yize walingile hakachi ko. Mu kulengumuka cho yaatongola umwe tetekeli aahilwise nawa mu undungo mu Egiptu. Alioze yena uli Zambi yoze wakukonekena atu; uli mukwa utu ni zango, kuushi kutenuka nikawashi. Keke ye yili yinji, kuweehukile ko.

Nehemia 9:17 Iomraidhean Croise

1 Yitanga Ya Mianangana 6:13

Kumungukatwama hakachi ka A-Izalele. Chichi kwehuka atu jami A-Izalele.

1 Yitanga Ya Mianangana 8:57

Yehova Zambi yetu akapwe hamwe ni yetu chizechene ngwe wapwile ni tulamba twetu. Kanda atuhichika, kanda atwehuka.

2 Sango Ja Mianangana 36:13

Aye nawa yakatukila Nabukanezore; te hanamushingisa ni jina lia Zambi. Alioze yakwata pami nikukalisa mbunge yenyi kanda yitala kuli Yehova, Zambi ya Izalele.

Ezra 9:9

Mumu tuli ndungo, hindu Zambi katwehukile mu undungo wetu, alioze hatwaha utu wa zango kumeso ja mianangana a Persia atwehe kuhuzuluka tukatunge zuwo lia Zambi yetu, tukatunge nawa haze hanalienyeka tukapwe ni chipanga-cha-mawe mu Yunda ni mu Yerusaleme.

Nehemia 9:31

Alioze mumu ha keke ye yeka ni yeka kwaamanunwine pundu, chipwe kwaehuka, mumu uli Zambi ya vumbi ni keke.

Miaso (Masamu) 106:13

Alioze kawashi avulamine yitanga yenyi. Katwaminyinyine yiyulo yenyi.

Miaso (Masamu) 106:7

Yikomokeso ye mu Engitu kuyalumbunukine kuli akaka. Kewulukile kulumbama cha utu wa zango lie, alioze akolemene ku Kalunga-lwiji, ewa ku Kalunga-lwiji Muchila.

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 78:10

Kafungile usendo wa Zambi. Kasolo kwenda mu shimbi jenyi.

Miaso (Masamu) 78:11

Avulamine yilinga yenyi, ni yitanga yenyi ya kukomwesa yize aalwezele.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Kutuhuka 32:9

Yehova yamba kuli Mose ngwenyi, Hinamona wano atu, kumanyi e atu te akwa pami.

Yishima 1:24

Mumu hingunasanyika ni yenu kunusolo kupanjika, hingunolola moko jami alioze niumwe katayile.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Ezekiel 5:6

Alioze hakolema shimbi jami ni ungulungulu kuhiana mavungu; hakolema yiyulo yami kuhiana yifuchi yeswe ya kuyijingilika ha kulituna shimbi jami, katayile kwenda nikulita ni yiyulo yami.

Daniel 9:9

Kuli Mwene Zambi yetu kwatwama keke ni ukonekeno, mumu yetu hitwamukatukila.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Alevi 26:44

Chipwe chocho shimbu ali mu chifuchi cha akwa kole jo chichi kwalelesa, hanji kwavwila kole ngukaonwone liakulu nikutangula usendo uze nakolesele no, mumu yami Yehova Zambi yo.

Nahume 1:3

Yehova mukwa makoke kutenuka, alioze ndundo jenyi jinene. Yehova kechi kuhasa kusambisa akwa kuhia, chipwe hakehe. Jila yenyi yili mu chijimbi ni mu kangonga; malelwa o fufuta ya ku yiliato yenyi.

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Kwalula 14:41

Mose yamba ngwenyi, Kuchi te haliapwila nunatangula liji lia shimbi ya Yehova, se kuchichi kuwaha?

Kwalula 16:14

Chikwo nawa, yena kwatuhetesele ku chifuchi kuze kunokela yamwa ni wuchi, chipwe kutwaha chihinga cha minda ni minda ya uva kwatuheleyo; mba unazange kutuwa meso ja wano malunga nawa nyi? Kutwayileko.

Yilinga 7:39

kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu.

A-ROMA 9:15

Mumu kanambe kuli Mose ngwenyi, Mungumuvwila keke yoze mungumuvwila keke; mungumuvwila vumbi yoze mungumuvwila vumbi.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

1 Samuel 12:22

Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.