Nehemia 9:15 - MUKANDA USANDU WA ZAMBI 1975

¹⁵ Mwilu waatumine mbolo ha zala yo; ku liwe waachijile meya ha pwila yo. Waatumine anjile nikutambula chifuchi chize yena hiwalishinga kwaaha.

Mukanda Wa Zambi 1970

¹⁵ “Muze evwile zala, yiwaaha mbolo ya mwilu, muze evwile pwila, yiwaaha meya a mu liwe. Yiwaalweza atambule chifuchi chize waalakenyene.

Nehemia 9:15 Iomraidhean Croise

Ubutukilo 14:22

Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

Nehemia 9:20

Wahanyine Spiritu ye mupema kwalongesa. Kwachijile maná ye mu makanwa jo; waahele meya ha pwila yo.

Miaso (Masamu) 114:8

yoze walumwine liwe Chitende cha meya; walumwine liwe lia kahia likapwe fuji lia meya.

Kutuhuka 16:4

Henaho Yehova yamba kuli Mose ngwenyi, Mungukanunokesela mbolo ya kukatuka kwilu. Atu makatuhuka akalinge kulia cha tangwa ha tangwa hanga yami ngukaeseke, shina o makenda mu shimbi yami, shina ka.

Kutuhuka 17:3

Kwe kuze atu evwile pwila ya meya. E atu yalinyenyeta ni Mose ngwo, Kuchi te watuchijile ku Engitu? Mukutushiha ni pwila, ni ana jetu ni yimuna jetu nyi?

Kutuhuka 17:6

Yami mungumana kumeso je, ha liwe lize lili ku Horepe. Lamba lie liwe mba meya mapukukamo, hanga atu akanwe. Chocho alingile Mose kumeso ja makulwana A-Izalele.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Izaya 48:21

Ha kwasongwela mu mapuya kevwile pwila; waachijilile meya mu liwe; wapulile liwe, mba meya apukukileko.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Ezekiel 20:15

Chikwo nawa nalishingile kuli ayo mu puya ngwami, Chichi kanutwala ku chifuchi chize nanuhele, chifuchi chinokela yamwa ni wuchi, chifuchi chahiana yifuchi yeswe ni uhenya,

Kwalula 14:30

chamwenemwene kunuchi kaheta ku che chifuchi, ha kutwala ku chenacho nalakenyene ni shingo ngwami, Mungukanutwamisamo, shina Kalemba, mwana wa Yefune, ni Yoshua, mwana wa Nune.

Shimbi 1:21

Kutala! Yehova Zambi yenu kanase kumeso jenu che chifuchi, nukanduke, nuchizuke ngwe Yehova Zambi ya tulamba twenu ambile kuli yenu. Kanda nwivwa woma, chipwe mwongo, ka.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 8:3

Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.