Nehemia 9:14 - MUKANDA USANDU WA ZAMBI 1975

¹⁴ Waanyingikishine Sambata ye yisandu; waatuminyine maliji, ni yiyulo, ni shimbi ku kwoko lia Mose kavumbi ke.

Mukanda Wa Zambi 1970

¹⁴ Yiwaalweza ha kufunga matangwa je a kuhwima a chijila, yiwambila kavumbi ke Mose alweze atu Shimbi je.

Nehemia 9:14 Iomraidhean Croise

Ubutukilo 2:3

Zambi yawahisa tangwa liamuchishimbiali, yalisela lisandu, mumu ha lienalio yahwima ku milimo yenyi yeswe yize Zambi atangile ni yize alingile.

Nehemia 1:8

Ngunalembe, iwuluka liji lize watumine kavumbi ke Mose ngwe, Nyi munuvulumuna mungunumwanga hakachi ka mavungu.

Nehemia 10:32

Chikwo nawa twaliselele shimbi tukafwete mwaka ha mwaka chihanda chimuwika ha yihanda yitatu ya shekele ha milimo ya zuwo lia Zambi yetu,

Kutuhuka 16:23

Iye yamba kuli ayo ngwenyi, Achi chuma chino Yehova hanambe ngwenyi, Hamene hakapwe uhwimino ulemu, Sambata yisandu kuli Yehova. Musono ochenu cheswacho munwocha, telekenu cheswacho munuteleka. Chize muchilisalaho litulikilenucho ndo mu kucha.

Kutuhuka 16:29

Talenu! Mumu te Yehova hananwehe ye Sambata, kashika ha tangwa liamuchisambano hananwehe kulia cha matangwa aali. Mutu mweswe akatwame ku chihela chenyi. Ha tangwa liamuchishimbiali mutu niumwe kanda akakatuka ku chihela chenyi.

Kutuhuka 24:12

Yehova yamba kuli Mose ngwenyi, Kanduka ha mulundu ndo kuli yami, utwameko. Mungukwaha mawe ni shimbi ni maliji a shimbi, yize hingunasoneka, ukayilongese.

Ezekiel 20:11

Yingwaaha yiyulo yami ni kwalweza shimbi jami jize mutu matwama ni mwono ha kujifunga.

Ezekiel 20:12

Chikwo nawa naahele masambata jami akapwe yilayi hakachi ka yami ni ayo akanyingike yami Yehova nakwasela ku usandu.

Ezekiel 20:20

nukasele ku usandu masambata jami akapwe chilayi hakachi ka yami ni yenu nukanyingike ngwenu, Zambi yetu Yehova.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 27:34

Jino je shimbi Yehova watuminyine A-Izalele kuli Mose ku mulundu wa Sinai.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Shimbi 4:45

Shindakenyo jino, ni yiyulo yino, ni upatwilo uno, ambile Mose kuli A-Izalele ha kukatuka mu Engitu,

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 5:31

Alioze, yena umane kuno kuli yami, mungwamba kuli yena maliji eswe a shimbi, ni yiyulo, ni upatwilo, ukaalongeseyo, hanga ayilinge mu chifuchi chize ngunaahecho kuzuka.