Nehemia 9:10 - MUKANDA USANDU WA ZAMBI 1975

¹⁰ Walingile yilayi ni yikomokeso hali Falau ni hali ngamba jenyi eswe, ni hali atu eswe a chifuchi chenyi mumu wanyingikine chize alivwimbile kulimika ni ana je. Jina lie liafumanyine ngwe linafumana tangwa lia musono.

Mukanda Wa Zambi 1970

¹⁰ Yiulinga yilayi ya kukomwesa ulimike ni mwanangana wa Egiptu; ulimike ni akwa kuyula ni atu a mu chifuchi chenyi, mumu yiunyingika chize ahungumionene atu je. Jina lie yilifumana, kuliafumana ndoo ni musono.

Nehemia 9:10 Iomraidhean Croise

Nehemia 9:16

Alioze o tulamba twetu alengumukine; akwachile pami; kapanjikile ku shimbi je.

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Miaso (Masamu) 83:18

Akanyingike ngwo, Yena wika uli ni jina lia Yehova, uli mwe Chitunda helu lia hashi heswe. Kuli Njimba mukwa lutwe. Ha Ngitite. Samu lia ana a Kora.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 5:2

Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Kutuhuka 7:1

Yehova yamba kuli Mose ngwenyi, Tala hinakupwisa ngwe Zambi kuli Falau. Yayenu Arone mapwa profeta ye.

Kutuhuka 9:16

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Izaya 42:20

Yuma yinji anamono alioze kayipalile; matwi jenyi awashi alioze kapanjikile.

Izaya 63:12

Yoze wasele kwoko lienyi lia uhenya kwe ku kwoko lia Mose lia chindume; yoze wapulile e meya kumeso jo nikulifumanyishina jina lia mutolo iya?

Izaya 63:14

Ngwe yimuna a kupalumuka ku chikulo, mwe Spiritu wa Yehova waahwimishine. Chocho wasongwelele atu je ukalifumanyishine jina lia uhenya.

Jeremia 32:20

Wasolwele yilayi ni yikomokeso mu chifuchi cha Engitu ndusu ndo musono mu Izalele ni hakachi ka atu eswe. Hiwafumanyisa jina lie ni chize Hapwa musono.

Ezekiel 20:9

Alioze nalingile ha kulemesa jina liami hanga kulichi kuhiluka kumeso ja mavungu kuze atwamine, kumeso jo te nalisolwele ha kwachiza mu chifuchi cha Engitu.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 9:15

Haliapwila kashika, Mwene Zambi yetu, yena wachijile atu je ku Engitu ni kwoko lia ndundo ni kufumanyisa jina lie ngwe tangwa lia musono; yetu hitwavulumuna, hitwalinga uhenge.

Yilinga 7:36

Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka.

A-ROMA 9:17

Mumu chisoneko chinambe kuli Fwalau ngwo, Ha chikuma chino chene nakumikine, hanga ngukalweze muli yena tachi jami, hanga jina liami likafumane kweswe hano hashi.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 7:19

yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.