Nehemia 9:1 - MUKANDA USANDU WA ZAMBI 1975

¹ Ha tangwa makumi aali ni liamuchiwana lia kakweji yono A-Izalele yakunguluka nikulitwamina kulia, ni chikeleyi, ni kulikwita mavu.

Mukanda Wa Zambi 1970

^1-2 Ha kakweji yoze mwene ha tangwa ha makumi aali ni awana, Aisraele yaakunguluka ni kulitwamina kulia nikusolola chinyengo cha milonga yo. Te haanalihandununa kulu kuli yilambala eswe. Yaazala mianji ni kulimwangina uto ha mitwe yo nikusolola yinyengo yo. Mba yaakatuka, yaabutuka kushikisa milonga yo ni yize ya tushakulu two.

Nehemia 9:1 Iomraidhean Croise

2 Samuel 1:2

Ha tangwa liamuchitatu umwe lunga yakatuka ku chilombo cha Saulu, kali ni mazalo jenyi a kusonya ni mavu ha mutwe wenyi. Ha kuheta kuli David yafulamana hashi nikumuwayila.

2 Sango Ja Mianangana 20:3

Yehosofate yevwa woma wunji. Yalisela kufupa Yehova. Yasela matangwa a kulitwamina kulia ndusu mu Yunda mweswe.

2 Sango Ja Mianangana 7:10

Mba ha tangwa makumi aali ni liamuchitatu lia kakweji wamuchishimbiali yatuma atu ku mazuwo jo ni uwahililo ni chiseke mu mbunge mumu ha utu Yehova halinga kuli David, ni kuli Solomone, ni kuli atu jenyi A-Izalele.

Ezra 8:21

Mba ku Lwiji Ahava nasele shimbu lia kulitwamina kulia tukalilelese kumeso ja Zambi yetu tukafupe kuli iye atwehe jila yinalulama, hali yetu, ni ana jetu, ni upite wetu weswe.

Ezra 8:23

Kashika twalitwaminyine kulia nikulemba kuli Zambi yetu ha chuma chino, mba watupanjikile.

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Estere 4:3

Mu yifuchi yeswe kweswako liji lia mwanangana ni shimbi yenyi yahetele yikupwa kulinyenga chinene hakachi ka A-Yunda ni kulitwamina kulia, ni kulila, ni mbimbi. Anji yapomba ni yikeleyi ni uto.

Jobe 2:12

Shimbu achili kusuku yatala, kuma kamunyingikine, mba yalila mbimbi; eswe yasonya mazalo jo nikukuwa fufuta ha mitwe yo kwilu.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Alevi 23:34

Amba kuli A-Izalele ngwe, Ha kakweji yono mwene wamuchishimbiali, ha tangwa kumi ni liamuchitano ndusu ha matangwa shimbiali che chiwanyino cha yisakila kuli Yehova.

Alevi 23:39

Ha tangwa kumi ni liamuchitano lia kakweji wamuchishimbiali muze hinwasweka mbuto ya chifuchi munufunga che chiwanyino cha Yehova matangwa shimbiali. Tangwa litangu mulipwa lilemu lia kuhwima, ni tangwa liamuchinake mulipwa lilemu lia kuhwima.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

Akwa Kuyula 20:26

Mba A-Izalele eswe, e tujita eswe, yakanduka ku Mbetele mukulila. Yatwamako kumeso ja Yehova, ni kulia ka ndo ngoloshi. Yalambula milambu ya kulumba, ni milambu ya sambukila kumeso ja Yehova.

1 Samuel 4:12

Umwe kajita, lunga wa ku Mbenjamine, wazombokele, yeza ku Shilo tangwa lioliene ni mazalo jenyi a kusonya, ni mavu ha mutwe.

1 Samuel 7:6

O yakungulukila ku Mizepa. Yataha meya; yaazujila hashi kumeso ja Yehova nikulitwamina kulia tangwa lize, nikwambako ngwo, Hitwavulumuna Yehova. Samuel wayulile A-Izalele ku Mizepa.