Nehemia 8:9 - MUKANDA USANDU WA ZAMBI 1975

⁹ Nehemia mukwa kuyula, ni sasendote Ezera mukwa kusonyeka, ni A-Levi waze alongesele atu, yamba kuli atu eswe ngwo, Tangwa lino lisandu kuli Yehova Zambi yenu, kanda nulinyenga chipwe kulila. Mumu atu eswe alilile ha kwivwa maliji a shimbi.

Mukanda Wa Zambi 1970

⁹ Muze atu heevwa ulumbunwiso wa mukanda wa Shimbi, eswe yaabutuka kulila. Kashika mwe mukwa kuyula Nehemia, ni hako Ezra kanda longeshi ya Shimbi, ni Alevi waze alumbunwine we mukanda yaamba ngwo: “Akwetu, lino lili tangwa lia chijila lia Mwene Zambi, kashika kuchanutambile kunenganyana ni kulila.

Nehemia 8:9 Iomraidhean Croise

1 MIANANGANA 22:11

Muze mwanangana hevwa maliji a mu mukanda wa shimbi wasonyene mazalo jenyi.

1 MIANANGANA 22:19

mumu mbunge ye yapwa yovu, hiwalikehesa kumeso ja Yehova ha kwivwa chize hinamba cha kulimika ni homa hano, ni atu jaho eswe, ngwami, muhapwa chihela cha hululu, muhapwa nawa shingo; hiwasonya mazalo je, hiwalila kumeso jami; ni yami nawa hinakupanjika, ngwenyi Yehova.

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

2 Sango Ja Mianangana 30:22

Ni Hezekia yahanjika ni kulembejeka A-Levi eswe waze alongolokele ni uvumbiko wa Yehova. Chocho alile ndusu chiwanyino cha matangwa shimbiali, nikulambula yitapo ya milambu ya sambukila, nikushikisa kuli Yehova, Zambi ya tulamba two.

2 Sango Ja Mianangana 34:19

Ha kwivwa maliji a shimbi mwanangana yasonya mazalo jenyi.

2 Sango Ja Mianangana 34:21

Yénu nuhule kuli Yehova hali yami ni hali waze anasala ja A-Izalele ni A-Yunda ha kutwala ku maliji a mukanda uno hinwawana; mumu ufwatulo wa Yehova wunji chikolo unazukuka hali yetu mumu atata kafungile liji lia Yehova kulinga nikulita ni yeswe yinasonewa mu mukanda uno.

2 Sango Ja Mianangana 35:3

Yamba kuli A-Levi akwa kulongesa A-Izalele eswe, akwa kulisela asandu kuli Yehova ngwenyi, Senu mushete usandu mu zuwo lize Solomone mwana David mwanangana wa Izalele atungile. Kanda nuumbata nawa ha yipaya yenu. Kashika lingilenu Yehova Zambi yenu ni atu jenyi A-Izalele.

Ezra 2:63

Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Ezra 7:11

Kuli sasendote Ezera mwe mukwa kusonyeka maliji a shimbi ja Yehova, ni yiyulo yenyi kuli A-Izalele, mwanangana Artasherke wahanyine mukanda uno wa kwamba ngwo,

Nehemia 10:1

Majina ja waze asele yijikilo yo: Nehemia mwe mukwa kuyula, mwana Hakalia, ni Zedekia,

Nehemia 12:26

Achi ha matangwa ja Joiakime mwana Yeshua mwana Jozadake, ni ha matangwa ja Nehemia mukwa kuyula, ni ja sasendote Ezera mukwa kusonyeka.

Nehemia 7:65

Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Nehemia 7:70

Akwa lutwe amwe mu minyachi ya atato yalambula ha milimo. Mwe mukwa kuyula yahana upite, te kanunu ka mbongo ja oru, ni makumi atano a mbasia, ni kulakaji atano ni makumi atatu a uzalo wa asasendote.

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Longeshi 3:4

tangwa lia kulila, ni tangwa lia kuseha; tangwa lia kulinyenga, ni tangwa lia kuhangana;

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Alevi 23:24

Amba kuli A-Izalele ngwe, Ha kakweji wamuchishimbiali, ha tangwa litangu lia kakweji, munukafunga tangwa lilemu lia kuhwima. Chikapwe Chiwulwiso cha kuhumuna yitavwi, chikungulwila chisandu.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

A-ROMA 3:20

mumu ku yitanga ya shimbi kechi kasambisa mutu niumwe kumeso jenyi; mumu ku shimbi, chinyingi cha shili muchiza.

A-ROMA 7:9

Alioze napwile ni mwono chishi shimbi ha miaka ya kunyima; alioze muze shimbi yejile, shili yahuzulukile ni yami nafwile;

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 26:14

Kutwayilile ha kulila afu, chipwe kutwachijile niyimwe shimbu tuchili a luchisa, chipwe kulambula yimwe kuli afu. Hitwapanjika ku liji lia Yehova Zambi yetu, hitwalinga nikulita ni yeswe nwatwambile.

Tiangu (Jake) 4:9

Lungajalenu, nenganyanenu, lilenu: kuseha chenu chialumuke kunenganyana, ni uwahililo wenu ualumuke kuhonga ku meso.