Nehemia 8:6 - MUKANDA USANDU WA ZAMBI 1975

⁶ Ezera yahalisa Yehova mwe Zambi munene, ni atu eswe yakumbulula ngwo, Amene! Amene! nikuzundula moko jo. Yahetamisa mitwe yo nikuwayila Yehova nikufulamana hashi.

Mukanda Wa Zambi 1970

⁶ Hako Ezra yachichimieka Mwene Zambi, mwe Zambi munene. Atu eswe yaazundula moko jo helu, yaamba ngwo: “Chibwe kama Chenacho! Chibwe kama Chenacho!” Yaafulamana hashi, yaawayila Mwene Zambi.

Nehemia 8:6 Iomraidhean Croise

Ubutukilo 14:22

Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

Ubutukilo 24:26

Mwe lunga yahetamisa mutwe wenyi, yawayila Yehova,

1 Sango Ja Mianangana 16:36

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambile ngwo, Amene, ahalishile Yehova.

1 Sango Ja Mianangana 29:10

Kashika David yahalisa Yehova kumeso ja chikungulwila nikwamba ngwenyi, Ufumane, Yehova Zambi ya kalamba ketu Izalele ndo ku miaka yeswe ya mutolo.

1 Sango Ja Mianangana 29:20

David yamba kuli akwa chikungulwila eswe ngwenyi, Haliapwila hiwahisenu Yehova Zambi yenu. Mba akwa chikungulwila eswe yalemesa Yehova Zambi ya tulamba two. Yahetamisa mitwe yo ni kuwayila Yehova ni mwe mwanangana.

2 Sango Ja Mianangana 20:18

Yehosofate yahetamisa meso jenyi hashi, ni A-Yunda ni A-Yerusaleme eswe yafulamana hashi kumeso ja Yehova ni kuwayila Yehova.

2 Sango Ja Mianangana 29:10

Mbunge yami yinazange kukolesa usendo ni Yehova, Zambi ya Izalele, akatewulule utenu wenyi usasu kuli yetu.

2 Sango Ja Mianangana 29:30

Chikwo nawa mwanangana Hezekia ni alemu yatuma A-Levi embile uhaliso Yehova ni maliji a David, ni a Asafwe mukwa kumona. Yemba uhaliso ni kulikwiza mba yahetamisa mitwe yo nikuwayila.

2 Sango Ja Mianangana 6:4

Yamba ngwenyi, Yehova afumane, mwe Zambi ya Izalele, yoze wahanjikile ni kanwa lienyi kuli tata David, mwenawo hachimanununa ni moko jenyi musono, ngwenyi,

Nehemia 5:13

Yingusakumuna hina liami nikwamba ngwami, Chocho Zambi asakumwine ku zuwo lienyi, ni ku milimo yenyi mutu mweswe yoze kalingile nikulita ni chilakenyo chino; chocho amusakumwine ni kumumwanga. Ni akwa chikungulwila eswe yamba ngwo, Amene, ni kuhalisa Yehova. Mba atu yalinga nikulita ni chilakenyo chino.

Nehemia 8:7

Mba Yeshua nawa, ni Mbani, ni Sherebia, ni Yamine, ni Akube, ni Shabetai, ni Hodia, ni Maseia, ni Kelita, ni Azaria, ni Jozabade, ni Hanane, ni Pelaia, ni A-Levi, o yalumbununa shimbi kuli e atu. Atu te kanamana kuma kwo.

Miaso (Masamu) 134:2

Zundulenu moko jenu kuma kusandu nukafumanyise Yehova.

Miaso (Masamu) 141:2

Kulemba chami chikalite kumeso je ngwe insensu. Muze munguzundula moko jami chikapwe ngwe mulambu wa chingoloshi.

Miaso (Masamu) 28:2

Ivwa liji lia kuliumba chami muze mungutambika kuli yena, muze mungwolola moko jami ku chiswamo che chisandu.

Miaso (Masamu) 41:13

Afumane Yehova Zambi ya Izalele, chize ku miaka ya mutolo ndo ku miaka ya mutolo, Amene; Amene.

Miaso (Masamu) 63:4

Chocho mungukufumanyisa shimbu lieswe nguli ni mwono. Munguzundula moko jami mu jina lie.

Miaso (Masamu) 95:3

Mumu Yehova iye Zambi munene; iye mwanangana munene helu lia mazambi eswe.

Kutuhuka 12:27

Nukambe ngwenu, Chino che chitapo cha Chizomboka cha Yehova mumu te iye yazomboka mazuwo ja A-Izalele mu chifuchi cha Engitu muze alambile A-Engitu, yapulula atu jetu. E atu yahetamisa mitwe, yawayila.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Jeremia 28:6

Profeta Jeremia yamba ngwenyi, Chikapwe chocho! Ngunazange Yehova alinge chocho. Yehova akalinge nikulita ni maliji hiwaprofeteza akachize ku Babilonia yikwachilo ya mu zuwo lia Yehova, ni njize eswe nikwahilwisa kuno cheka nawa.

Lungungu 3:41

Tuzundulenu mbunge jetu ni moko jetu kuli Zambi mwilu ngwetu,

Alevi 9:24

Kahia kakatukile kumeso ja Yehova yalalisa mulambu wa kulumba hamwe ni maji ha chilumbilo. Muze atu eswe hachimona, atetele mba yafulamana ha meso jo.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

1 Korintu 14:16

Nyi ka, kachi mufumanyisa ni Spiritu, ngwe kuchi yoze kanyingikine mamba ngwenyi, Amene, ha kusakwila che? Se kanyingikineko chize unambe.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,

Usolwelo 7:11

Ni angelo eswe amanyine ha kujingilika ngunja, ni makulwana ni akwa mwono awana; o afulamanyine kulutwe lia ngunja, awayilile Zambi,