Nehemia 8:18 - MUKANDA USANDU WA ZAMBI 1975

¹⁸ Chikwo nawa tangwa ha tangwa chize ku tangwa litangu ndo ku tangwa liasula watangile mu mukanda wa shimbi ja Zambi. Yafunga chiwanyino matangwa shimbiali, mba ha tangwa liamuchinake kwapwile kukunguluka chilemu nikulita ni shimbi.

Mukanda Wa Zambi 1970

¹⁸ Chize ku tangwa litangu lia chiwanyino ndoo ku tangwa ha kusula te kaakutanga Chihanda cha Shimbi ja Zambi. Yaafunga chiwanyino matangwa shimbiali. Mba ha tangwa ha muchinake yaalikungulula ha kumanununa chiwanyino, ngwe chize chasonewene.

Nehemia 8:18 Iomraidhean Croise

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Nehemia 8:3

Iye yatangamo ha lwaza kulutwe lia chikolo cha meya, chize ku chimenemene ndo tangwa ha muchima, kumeso ja malunga ni mapwo, ni waze eswe muchialumbunuka. Matwi ja atu eswe apwile kwe ku mukanda wa shimbi.

Alevi 23:36

Matangwa shimbiali munulambula milambu ya kahia kuli Yehova. Ha tangwa liamuchinake munupwa ni chikungulwila chisandu nukalambule mulambu wa kahia kuli Yehova. Acho chikungulwila chilemu, kanda nulinga milimo niyimwe yilemu.

Alevi 23:41

Munufunga chiwanyino chino kuli Yehova matangwa shimbiali ha mwaka. Chino chapwa chiyulo cha mutolo ndusu yisemuko yenu yeswe. Munukachifunga mu kakweji wamuchishimbiali.

Kwalula 29:35

Ha tangwa liamuchinake nukapwe ni chikungulwila chilemu. Kanda nukalinga milimo niyeyimwe ya kuhondangana.

Yoano 7:37

Achi, ha tangwa lia kusula, lie tangwa linene lia chiwanyino, Yesu wamanyine nikukololoka ngwenyi, Kachi umwe mevwa pwila, eze kuli yami, anwe.