Nehemia 8:17 - MUKANDA USANDU WA ZAMBI 1975

¹⁷ Chikungulwila cha waze eswe hanakatuka ku unjize yatunga yisakila nikutwamamo, mumu chize ku matangwa a Yeshua mwana Nune ndo tangwa lienalio A-Izalele kachilingile. Kwapwile kulikwiza chinji.

Mukanda Wa Zambi 1970

¹⁷ Atu eswe waze akatukile mu undungo yaatunga yikulika, yaatwama mo. Chino chabwile chisuho chitangu afungile chiwanyino chize, chize ku matangwa ja Yoshua mwana wa Nune. Atu eswe yaawahilila kuhiana.

Nehemia 8:17 Iomraidhean Croise

1 Sango Ja Mianangana 29:22

Yalia, yanwa kumeso ja Yehova ha tangwa lize ni uwahililo wunji. Mba yaswanyisa Solomone mwana David wanangana chisuho chamuchiali nikumuzu jila maji kuli Yehova akapwe mwanangana, ni Zadoke aye akapwe sasendote.

2 Sango Ja Mianangana 30:26

Chocho kwapwile uwahililo unene mu Yerusaleme, mumu chize ku miaka ya Solomone mwana David mwanangana wa Izalele kukwapwile chuma cha kulita ni chino nilimwe tangwa.

2 Sango Ja Mianangana 35:18

Kukwapwile Chizomboka mu Izalele cha kulifwa ni chino chize ku matangwa a profeta Samuel. Chipwe mianangana ja Izalele niumwe wapwile ni Chizomboka ngwe chino cha Josia ni asasendote, ni A-Levi, ni A-Yunda eswe, ni A-Izalele waze apwileko, ni akwa Yerusaleme.

2 Sango Ja Mianangana 8:13

nikulita ni uvumbiko wa tangwa ha tangwa. Yalambula nikulita ni shimbi ya Mose, ha masambata, ni ha kakweji mwaha, ni ha yiwanyino ya kutongola, katatu ha mwaka, ngwami, chiwanyino cha mbolo kuyishi futunwiso, ni chiwanyino cha masemana, ni chiwanyino cha yisakila.

Ezra 3:4

Yafunga nawa chiwanyino cha yisakila, ngwe chinasonewa; yalambula milambu ya kulumba ya tangwa ha tangwa nikulita ni shimbi, ngwe aaselelecho cha tangwa ha tangwa.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Shimbi 16:15

Nulinge chiwanyino kuli Yehova Zambi yenu matangwa shimbiali kuze Yehova matongola. Nuwahilile wika mumu Yehova Zambi yenu kumakanuwahisa ku kwoka cheswe cha mbuto jenu ni ku milimo yeswe ya moko jenu.

Hebreu 11:13

Wano eswe afwile nikulita ni Ufulielo, katambwile yilakenyo, aiioze ayimwene kusuku; ayisambililile; atayijile ngwo, Tuli ngeji ni njize hano hashi.

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika:

Hebreu 4:8

Mumu kachi Yoshua waahetesele ku uhwimino, kachi kahanjikile kulutwe ha kutwala ku tangwa likwo.

Yoshua 1:1

Kulutwe lia kufwa cha Mose kavumbi ka Yehova, Yehova yamba kuli Yoshua mwana wa Nune, kambaji ka Mose, ngwenyi,