Nehemia 8:12 - MUKANDA USANDU WA ZAMBI 1975

¹² Mba atu eswe yaya akalie, akanwe, akatume yawana, akalikwize chikolo mumu maliji aze haambulwila yaalumbunuka.

Mukanda Wa Zambi 1970

¹² Mba atu eswe yaahilwoka ku mazuwo jo, yaahaha, yaanwanwa ni uwahililo, yaalianyino yakulia yo ni yiswale, mumu evwile kanawa ulumbunwiso wa maliji waze.

Nehemia 8:12 Iomraidhean Croise

1 Sango Ja Mianangana 29:22

Yalia, yanwa kumeso ja Yehova ha tangwa lize ni uwahililo wunji. Mba yaswanyisa Solomone mwana David wanangana chisuho chamuchiali nikumuzu jila maji kuli Yehova akapwe mwanangana, ni Zadoke aye akapwe sasendote.

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Nehemia 8:11

Chocho A-Levi yaholesa atu eswe ngwo, Holenu, mumu tangwa lino lisandu. Kanda nulinyenga.

Nehemia 8:13

Ha tangwa liamuchiali akwa lutwe mu minyachi ya atato hakachi ka atu eswe, ni asasendote, ni A-Levi, yakungulukila kuli mukwa kusonyeka Ezera akapanjike ku maliji a shimbi.

Estere 9:22

Mumu e matangwa A-Yunda awanyine uhwimino kuli akwa kole jo. Mwe kakweji walumwine chinyengo chikapwe chiseke, ni tangwa lia kulinyenga mu tangwa lia kuwaha. Ngwenyi, Asele matangwa ano matangwa a kulia ni chiseke, ni a kutuma yihanda umwe kuli mukwo ni mukwo, ni yawana kuli yiswale.

Jobe 23:12

Chahichikile shimbi ja mu kanwa lienyi; hinasweka mu mbunge yami maliji jenyi ngwe upite ulemu.

Miaso (Masamu) 119:111

Shindakenyo je hingunatambula ngwe chihinga cha mutolo, mumu japwa uwahilio wa mbunge yami.

Miaso (Masamu) 119:127

Kashika kunazanga shimbi je kuhiana oru, ewa, chipwe oru yipema.

Miaso (Masamu) 119:130

Kulumbunuka cha maliji je chakuneha pangu. Chakuneha mana kuli chikukumi.

Miaso (Masamu) 119:14

Kunawahilila mu jila ya Shindakenyo ye chizechene ngwe munguwahilila mu upite weswe.

Miaso (Masamu) 119:16

Munguwahilila mu yiyulo ye. Chichi kuvulama liji lie. Ngimele

Miaso (Masamu) 119:171

Mivumbo yami yikahanjike uhaliso, mumu wakungulongesa yiyulo ye.

Miaso (Masamu) 119:174

Yehova, ulamwino we kunauvwila usona. Shimbi ye yapwa uwahililo wami.

Miaso (Masamu) 119:72

Shimbi ya mu kanwa lie yanguwahila kuhiana tununu twa oru ni prata. Yote

Miaso (Masamu) 119:97

Shimbi ye kunayizanga chimwe! Yapwa kupukuna chami tangwa lieswe nganganga.

Jeremia 15:16

Yawana maliji je, mba naalia, ni maliji je alumukine kuli yami uwahililo ni chiseke cha mbunge yami, mumu hanangutuku jina lia yena, Yehova Zambi-ya-Tujita.

Luka 24:32

O aliambile umwe kuli mukwo ngwo, Mbunge jetu kujevwile chivukuminya muli yetu shimbu ahanjikanga kuli yetu mu jila, shimbu alumbununanga kuli yetu ye yisoneko, nyi?

A-ROMA 7:18

Mumu ngunanyingika muli yami, te mu musunya wami, chuma chipema kuchishimo: mumu kupala nakupala, alioze kulinga chize chipema Chahashile.

Usolwelo 11:10

Akwa hashi yawahilila hali ayo, yasehejela; makatumisa yawana umwe kuli mukwo ni mukwo: mumu wano aprofeta aali amwesene lamba akwa hashi.