Nehemia 8:10 - MUKANDA USANDU WA ZAMBI 1975

¹⁰ Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Mukanda Wa Zambi 1970

¹⁰ Haliabwila hiyeenu ku mazuwo jenu, nulie kanawa. Nulianyine yakulia ni vinyu ni waze keeshi nayo. Mumu musono lili tangwa lia chijila lia Mwene Zambi yetu, kashika kanda nunenganyana. Uwahililo uze Mwene Zambi ananwehe muunutakamisa.”

Nehemia 8:10 Iomraidhean Croise

1 Yitanga Ya Mianangana 8:66

Ha tangwa liamuchinake yashika ni atu. O yawahisa mwanangana, yaya ku mazuwo jo nikuwahilila ni chiseke cha mbunge mumu ha utu weswe Yehova hasolola kuli David kavumbi kenyi ni kuli atu jenyi A-Izalele.

1 Sango Ja Mianangana 16:27

Uhenya ni ulamba watwama kumeso jenyi; tachi ni uwahililo watwama muma mwenyi.

Nehemia 8:11

Chocho A-Levi yaholesa atu eswe ngwo, Holenu, mumu tangwa lino lisandu. Kanda nulinyenga.

Nehemia 8:12

Mba atu eswe yaya akalie, akanwe, akatume yawana, akalikwize chikolo mumu maliji aze haambulwila yaalumbunuka.

Estere 9:19

Kashika A-Yunda a mu yihunda yikepe, waze atwama mu yihunda kuyishi yipanga-ya-mawe o kakusela tangwa kumi ni liamuchiwana lia kakweji ka Adare tangwa lia chiseke, ni kulia, ni kuwaha; tangwa lia kutuma yawana umwe kuli mukwo ni mukwo.

Estere 9:22

Mumu e matangwa A-Yunda awanyine uhwimino kuli akwa kole jo. Mwe kakweji walumwine chinyengo chikapwe chiseke, ni tangwa lia kulinyenga mu tangwa lia kuwaha. Ngwenyi, Asele matangwa ano matangwa a kulia ni chiseke, ni a kutuma yihanda umwe kuli mukwo ni mukwo, ni yawana kuli yiswale.

Miaso (Masamu) 149:2

Izalele akawahilile muli yoze wamutangile. Ana ja Zaione akawahilile muli mwanangana wo.

Miaso (Masamu) 89:17

Mumu yena uli uhenya wa tachi jo. Mu vumbi lie mbinga yetu muyikanangama.

Yishima 17:22

Mbunge ya chiseke yapwa yitumbo yipema; alioze Spiritu yize yamakuka kuyakuumisa yifwaha.

Longeshi 11:2

Kunjika chihanda kuli shimbiali hanji nake, mumu kwanyingikine chipi chize muchiza hashi.

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Longeshi 3:13

Chikwo nawa nyi mutu malia, manwa nikuyuka ni yipema ya kuhondangana chenyi cheswe, acho chawana cha kuli Zambi.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Izaya 49:5

Mba haliapwila Yehova yoze wanguwumbile chize ku jimo ngukapwe kavumbi kenyi, ngukahilwise kuli iye Yakomba, hanga Izalele akalikungulule kuli iye, mumu nguli mulemu kumeso ja Yehova, Zambi yami hanapu tachi jami—

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Zakaria 14:21

Ndeho jeswe mu Yerusaleme ni mu Yunda mujikapwa jisandu kuli Yehova-wa-Tujita, kashika akwa kulambula eswe mahasa kwiza ni kujitambula, ni kutelekelamo yifwo ya milambu. Kukuchi kapwa nawa umwe mukwa negocio mu zuwo lia Yehova-wa-Tujita ha tangwa lize.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

2 Korintu 8:2

ngwe ni cheseko chinene cha luyinda, kulumbama cha uwahililo wo ni uswale wo wunji walumbamine ku upite wa kuvungumiona cho.

Filipu 3:4

Chipwe yami mwene ngunahase kufuliela musunya: kachi umwe mukwo manyonga ngwenyi, Munguhasa kufuliela musunya, Shinaho yami.

Usolwelo 11:10

Akwa hashi yawahilila hali ayo, yasehejela; makatumisa yawana umwe kuli mukwo ni mukwo: mumu wano aprofeta aali amwesene lamba akwa hashi.

1 Samuel 25:8

Hula akweze je, makulweza. Kashika akweze jami akawane vumbi kumeso je se tuneza ha tangwa lia kuwaha. Hana cheswacho uli nacho kuli wano tuvumbi twe ni kuli yami mwané David.