Nehemia 7:70 - MUKANDA USANDU WA ZAMBI 1975

⁷⁰ Akwa lutwe amwe mu minyachi ya atato yalambula ha milimo. Mwe mukwa kuyula yahana upite, te kanunu ka mbongo ja oru, ni makumi atano a mbasia, ni kulakaji atano ni makumi atatu a uzalo wa asasendote.

Mukanda Wa Zambi 1970

^70-72 Atu anji ahanyine milambu ya kutungulula nayo zuwo lia Zambi: Mukwa kuyula: oru kilo 8 mbashila - 50 mahina ja mahako 530 Miata ja majimo: oru kilo 168 prata kilo 1,250 Atu akwo: oru kilo 168 prata kilo 140 mahina ja mahako 67.

Nehemia 7:70 Iomraidhean Croise

1 Yitanga Ya Mianangana 7:45

Ndeho, ni mapá, ni mbasia, yuma yino yeswe ya mu zuwo lia Yehova, Hirame yayilingila mwanangana Solomone, yapwile ya unengu wa kuhenya.

1 Sango Ja Mianangana 28:17

ni misako, ni mbasia, ni misenge ya oru yipema, ni ha ndeho ja oru ha pezu ya ndeho ni ndeho, ni ha ndeho ja prata ha pezu ya ndeho ni ndeho.

2 Sango Ja Mianangana 4:11

Hurame yalinga ndeho, ni mapá, ni mbasia. Chocho Hurame yamanyisa milimo yize alingilile mwanangana Solomone mu zuwo lia Zambi:

2 Sango Ja Mianangana 4:8

Yalinga nawa kumi lia mesa. Yajisa mu tembele, jitano ku chindume, jitano ku chimeso. Yalinga nawa kulakaji lia mbasia ja oru.

Nehemia 10:1

Majina ja waze asele yijikilo yo: Nehemia mwe mukwa kuyula, mwana Hakalia, ni Zedekia,

Nehemia 7:65

Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Nehemia 7:69

ni tumelu, kulakaji awana, ni makumi atatu ni atano; yimbulu, tununu asambano ni kulakaji shimbiali ni makumi aali.

Nehemia 7:71

Akwa lutwe amwe mu minyachi ya atato yahana upite ha milimo, makumi aali a tununu a mbongo ja oru, ni tununu aali ni kulakaji aali a libra ja prata.

Nehemia 8:9

Nehemia mukwa kuyula, ni sasendote Ezera mukwa kusonyeka, ni A-Levi waze alongesele atu, yamba kuli atu eswe ngwo, Tangwa lino lisandu kuli Yehova Zambi yenu, kanda nulinyenga chipwe kulila. Mumu atu eswe alilile ha kwivwa maliji a shimbi.

Kutuhuka 12:22

Nukande chisapo cha hisope, nukachichupike mu manyinga ali mu mbasia, nukasapwile e manyinga ali mu mbasia ha chikuli ni ha yipamba yiali ya ku yikolo. Mba mutu niumwe wa kuli yenu kanda akatuhuka ku chikolo cha zuwo lienyi ndo mu kucha.

Kutuhuka 24:6

Mose yanda chihanda cha hakachi cha ku manyinga, yasa mu mbasia jimwe, mba chihanda chikwo yachisapwila ha che chilumbilo.

Jeremia 52:19

Yambata nawa misenge, ni yikombelo, ni mbasia, ni ndeho, ni yikwachilo ya ndeya, ni yenga ya insensu, ni misenge ya milambu ya kunwa. Yize yeswe yapwile ya oru kapitau ka tulayi yambata ngwe oru, ni yize yapwile ya prata yambata ngwe prata.