Nehemia 7:5 - MUKANDA USANDU WA ZAMBI 1975

⁵ Mba Zambi yami yasa mu mbunge yami kukungulula e alemu, ni akwa kuyula, ni atu akwo aasoneke nikulita ni yisemuko yo. Nawanyine mukanda wa yisemuko ya waze ejile hatangu, natanga chize chasonewenemo ngwo:

Mukanda Wa Zambi 1970

⁵ Mba Zambi yangwaha manyonga akukungulula miata, ni makulwana, ni atu akwo asoneke akwa majiko jo. Yinguwana mukanda wa majina jo waze atuhukile hatangu mu undungo, yaasoneka mo chino.

Nehemia 7:5 Iomraidhean Croise

Ezra 2:62

Wano afupile majina jo mu mukanda wa yisemuko, alioze kaawanyine; kashika aamwene ngwe a luchisa, aakatwishile ku usasendote.

Ezra 7:27

Yehova akafumane, mwe Zambi ya tulamba twetu yoze wasele chuma chino mu mbunge ya mwanangana, akawahise zuwo lia Yehova mu Yerusaleme.

Nehemia 5:19

Zambi yami, iwuluka kama hali yami yipema yeswe hinalingila atu ano.

Nehemia 6:14

Zambi yami, iwuluka kama Tobia ni Sambalate nikulita ni yitanga yo; ni profeta wa pwo Noadia, ni aprofeta akwo waze anazange kungukolesa woma.

Nehemia 7:4

Chihunda chapwile chinene, chatoha: alioze atu akehe apwilemo, kanda atunga mazuwo.

Nehemia 7:64

Wano afupile majina jo mu mukanda wa yisemuko, alioze kaawanyine: kashika aamwene ngwe a luchisa, aakatwishile ku usasendote.

Yishima 2:6

Mumu Yehova kakuhana mana. Ku kanwa lienyi kwakutuhuka yinyingi ni malinjekela.

Yishima 3:6

Ukamutayize mu yilinga ye yeswe mba iye makalulamisa majila je.

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

2 Korintu 3:5

Kuchapwile ngwe yetwene mutuhasa kwamba ngwetu, Chimwe chuma muchipwa cha kuli yetwene. Kuhasa chetu chapwa cha kuli Zambi.

2 Korintu 8:16

Alioze tusakwilenu kuli Zambi yoze wasele mu mbunge ya Titu kulipupwisa chimuwika hali yenu.

Kolosu 1:29

Ha chino nawa nakukilikita nikulitachika, nikulita ni kulinga chenyi chize chakulinga muli yami ni tachi.

Tiangu (Jake) 1:16

Kanda nulionga, mandumbu jami a zango.