Nehemia 7:1 - MUKANDA USANDU WA ZAMBI 1975

¹ Muze te hatunga chipanga-cha-mawe, hinamika mapito, ni akwa mapito ni njimba ni A-Levi hanaatongola,

Mukanda Wa Zambi 1970

¹ Muze chipanga cha mawe hichahwa ni hitwasa yajilo yeswe, yitukunjika tufunga twa zuwo lia Zambi ni mbunga ya njimba ni Alevi ku milimo yo.

Nehemia 7:1 Iomraidhean Croise

1 MIANANGANA 7:10

Chocho yeza yasanyika kalayi ka chihunda; yamwambulwila ngwo, Twayanga ku chilombo cha A-Seria, kumanyi niumwe mutu keshiko, chipwe liji lia mutu, alioze tuvwalu a kukasa, ni yimbulu a kukasa, ni mbalaka chizechene.

2 Sango Ja Mianangana 31:2

Hezekia yatongola ngango ja asasendote, ni A-Levi ngango ni ngango nikulita ni milimo yo, ni asasendote ni A-Levi ha milambu ya kulumba, ni milambu ya sambukila, ni ha kuvumbika, ni ha kusakwila, ni ha kuhalisa ku yikolo ya chilombo cha Yehova.

Ezra 3:8

Ha mwaka wamuchiali wa kwiza cho ku zuwo lia Zambi ku Yerusaleme, ha kakweji wamuchiali aputukile Zorobabele mwana Salatiele ni Yeshua mwana Jozadake ni usoko wo asasendote ni A-Levi, ni waze eswe akatukile ku ufunge heza ku Yerusaleme. Yatongola A-Levi, waze hanahete ku makumi aali a miaka akalayile milimo ya mu zuwo lia Yehova.

Nehemia 10:39

Mumu A-Izalele ni A-Levi maneha mulambu wa kuzundula wa mbuto, ni wa vinyu, ni wa maji mu yipatulo, muze mwatwama yikwachilo ya muma musandu, ni asasendote akwa kuvumbika, ni akwa mapito, ni njimba. Kutuchi kwehuka nawa zuwo lia Zambi yetu.

Nehemia 11:3

Wano e alemu a chifuchi atwamine mu Yerusaleme, alioze mu yihunda ya Yunda mutu mweswe Watwamine mu chihinga chenyi, mu chihunda chenyi—A-Izalele, asasendote, ni A-Levi, ni A-Netinime, ni atu ja ngamba ja Solomone.

Nehemia 12:24

Akwa lutwe ja A-Levi: Hashabia, ni Sherebia, ni Yeshua mwana Kamiele, ni usoko wo hatalanganyi no, kuhalisa ni kusakwila nikulita ni shimbi ja mutu wa Zambi David; ngango hatalanganyi ni ngango.

Nehemia 6:1

Muze hatwala liji kuli Sambalate ni Tobia, ni kuli Ka-Arabia Ngesheme, ni kuli akwa kole jetu akwo chize yami hinatunga chipanga-cha-mawe, nichimwe chituwa kuchasalileho (hindu ndo tangwa lize kanda nguchimika mapito mu yikolo),

Nehemia 6:15

Chocho chipanga-cha-mawe twachimanunwine ha tangwa makumi aali ni liamuchitano lia kakweji Elule, milimo ya makumi atano a matangwa ni matangwa aali.

Nehemia 6:19

No nawa apwile nikungwambulwila yitanga yenyi yipema, mba mamulweza maliji jami. Mba Tobia wapwile nikutumatuma mikanda ya kungukolesa woma.