Nehemia 6:9 - MUKANDA USANDU WA ZAMBI 1975

⁹ Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Mukanda Wa Zambi 1970

⁹ Ayo eswe yeeseka kutuvwisa woma, hanga tulekumuke tulitwamine kulinga milimo. Alioze yingulemba ngwami: “Aa Zambi! Haliabwila ngutakamise kama!”

Nehemia 6:9 Iomraidhean Croise

2 Sango Ja Mianangana 15:7

Alioze takamenu; moko jenu kanda akokoloka, mumu manukundulwila milimo yepu.

2 Sango Ja Mianangana 32:18

Mba yakololoka mu limi lia A-Yunda kuli akwa Yerusaleme aze apwile ha chipanga-cha-mawe kwakolesa mwongo ni kwapinjisa hanga atambule chihunda.

Ezra 1:6

Ni eswe a kwajingilika yatakamisa moko jo ni yikwachilo ya prata, ni oru, ni upite, ni yimuna, ni yikumba yilemu, helu lia milambu ya mbunge.

Nehemia 6:14

Zambi yami, iwuluka kama Tobia ni Sambalate nikulita ni yitanga yo; ni profeta wa pwo Noadia, ni aprofeta akwo waze anazange kungukolesa woma.

Miaso (Masamu) 138:3

Tangwa nasanyikine kuli yena wangukumbulwile. Wangutakamishine ni tachi mu mbunge yami.

Miaso (Masamu) 56:3

Muze mungwivwa woma mungukufuliela yena.

Miaso (Masamu) 68:35

Zambi, uli kole ni woma kuma kwe kusandu. Mwe Zambi ya Izalele kakuhana tachi ni ngolo kuli atu jenyi. Zambi afumane!

Miaso (Masamu) 71:1

Muli yena Yehova nasela Ufulielo wami; kanda uatayiza kungukolesa sonyi nilimwe tangwa.

Izaya 40:29

Kakuhana ngolo kuli mukwa kulezumuka, kakuwezela tachi kuli yoze keshi ndundo.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Ezekiel 30:24

Mungukaweza tachi ku moko ja mwanangana wa Babilonia; mungukasa katana kami mu moko jenyi. Alioze mungukamakuna moko ja Falau, mba makatwa mikuma kumeso jami ngwe lunga yoze unafu ni mbandu.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

2 Korintu 12:9

Iye wambile kuli yami ngwenyi, Vumbi liami linate hali yena; mumu tachi jami kakujipwisa jingunu mu ulelu. Ni kuwaha chahiana kashika mungulisamba Shinaho ha ulelu wami, hanga tachi ja Kristu jikatwame hali yami.

Efesu 3:16

hanga akanwehe, nikulita ni kulumbama cha uhenya wenyi, kunutakamisa ni tachi kuli Spiritu yenyi muli mutu wa muchima;

Efesu 6:10

Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi.

Filipu 4:13

Kunahasa kulinga yuma yeswe muli yoze wakunguhashisa.

Hebreu 12:12

Kashika ololenu moko aze a upekepeke, ni makungunwa a kukokoloka.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

1 Samuel 30:6

David walifwichile chikolo mu mbunge mumu e atu ambile kumwasa mawe, se atu eswe evwile kupiha mu mbunge mumu hali ana jo a malunga ni a mapwo. Alioze David walitakamishine muli Yehova Zambi yenyi.