Nehemia 6:6 - MUKANDA USANDU WA ZAMBI 1975

⁶ mwenamo mwasonewa ngwo, Kanachambe hakachi ka mavungu, ni Geshemu kanachambe nawa ngwo, Yena ni A-Yunda nunambe kuvunduka; kashika nunatungu chipanga-cha-mawe. Ni maliji jo nawa ngwo, Yena muopwa mwanangana wo.

Mukanda Wa Zambi 1970

⁶ Yasoneka ngwenyi: “Gesheme hangulweza ngwenyi, sango hijamwangana mukachi ka mavungu waze tunasulangana no ngwo, yena ni Ayuda nuneseka kulimika ni mwanangana, kashika hinwatungulula chipanga. Nawa ngwenyi, unambe kulipwisa mwanangana yena mwene.

Nehemia 6:6 Iomraidhean Croise

Ezra 4:12

Chatamba mwanangana kunyingika, waze A-Yunda akatukile kuli yenu ejile kuno kuli yetu ku Yerusaleme haputuka kutunga chihunda chize cha uhulia ni ungulungulu. Kanamane yipanga-ya-mawe; kanakolesa nawa fundamentu.

Ezra 4:15

akafupe mu mukanda wa Sango ja akakenu, mba munuwana mu mukanda wa sango ngwo, Chihunda chino cha uhulia; chakupinjisa mianangana ni anguvulu mba chipwe kushi avundwilemo utwahe. Ha chikuma chino apupile chihunda chino.

Nehemia 2:19

Alioze muze Ka-Horone Sambalate, ni Ka-Amone Tobia mwe ndungo, ni Ka-Arabia Ngesheme yachivwa yatuseha ni lenyo, yatulelesa nikwamba ngwo, Chino munulinga chika? Te munukatukila mwanangana?

Nehemia 6:13

Hamufweta hanga angukolese woma ngumutayize, nguvulumune, hanga o akapwe ni chikuma cha kunguchoka nacho, afumanyise saki.

Nehemia 6:5

Henaho Sambalate yatuma ngamba yenyi chochene kamuchitano ni mukanda wa washi mu kwoko,

Nehemia 6:7

Chikwo nawa ngwo, Yena hiwasela aprofeta akakwambulule mu Yerusaleme ngwo, A-Yunda kali ni mwanangana. Chocho meza kutwala liji kuli mwanangana nikulita ni maliji wano. Kashika tweya tukakwate chiyulo hamuwika.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Mateu 5:11

Kunwawaha muze manuchoka, ni muze manuhungumiona, ni muze manulamikiza ungulungulu, mumu hali yami.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yoano 19:13

Pilatu kashika muze evwile maliji ano, watwalile Yesu haze, Watwamine ha chitwamo cha upatwilo, haze anavuluka ngwo, Hakwalamawe, alioze mu limi lia Hepreu ngwo, Ngapata.

A-ROMA 3:8

Kuchi te kutushi kwamba (ngwe kanatusanyina, nikulita ngwe amwe kakushindakenya yetu twakwamba) ngwo, Tulingenu yipi hanga yipema yikeze? Upatwilo wo kuunalite ni ululi.

2 Korintu 6:8

Ha kulemesa ni ha kulelesa, ku lufuma mupema ni lufuma mupi; ngwe akwa kwonga, hindu amwenemwene.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.