Nehemia 6:16 - MUKANDA USANDU WA ZAMBI 1975

¹⁶ Mba muze akwa kole jetu achivwile, mavungu eswe a kutujingilika evwile woma; ahombwele kumeso mumu anyingikine, milimo yino hayilinga kuli Zambi yetu.

Mukanda Wa Zambi 1970

¹⁶ Muze akwa kole jetu waze atujingilika haachivwa, yaanyingika ngwo, mana kaasula, mumu mutu mweswe yanyingika ngwenyi, milimo yino twayilinga ni ndundo ja Zambi.

Nehemia 6:16 Iomraidhean Croise

Nehemia 2:10

Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Nehemia 4:1

Muze Sambalate wevwile ngwo, Kanafungu chipanga-cha-mawe, yatenuka chikolo ni ufwatulo wunji. Yalenya A-Yunda.

Nehemia 4:7

Muze Sambalate, ni Tobia, ni A-Arabia, ni A-Amone, ni A-Ashedode hevwa ngwo, Milimo ya kululika yipanga-ya-mawe ya Yerusaleme yinayi kulutwe, ni yituwa kanaputuka kuyijika, yatenuka chikolo.

Nehemia 6:17

Chikwo nawa ha matangwa aze, alemu a A-Yunda apwile nikutumatuma mikanda kuli Tobia, ni mikanda yinji yapwile nikukatuka kuli Tobia nikwiza kuli ayo.

Miaso (Masamu) 109:27

Akanyingike ngwo, Liapwa kwoko lie; yena Yehova wachilinga.

Miaso (Masamu) 126:2

Hohene makanwa jetu azalile tò ni kuseha, ni malimi jetu azalile tò ni kwimba. Hohene ambile hakachi ka mavungu ngwo, Yehova hanaalingila yuma yinene.

Miaso (Masamu) 129:5

Waze eswe akuvwila kole Zaione akevwe sonyi akahiluke kunyima.

Miaso (Masamu) 147:2

Yehova kakutunga Yerusaleme. Kakukungulula waze amwanganyine a kuli Izalele.

Kutuhuka 14:25

Iye yasokola maroda ja matemba jo chocho chapwile chikalu kwaendesa. A-Engitu ambile ngwo, Tuchinenu kumeso ja A-Izalele mumu Yehova kanaashila jita ni A-Engitu.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Kwalula 23:23

Chamwenemwene kupanda chakuhi hali Yakomba, chipwe kutaha kuchishiko hali Izalele. Haliapwa machihanjika hali Yakomba ni hali Izalele ngwo, Yuma yipwa haha Zambi hanalingi!

Yilinga 5:38

Haliapwila ngunambe kuli yenu ngwami, Litwaminenu kuli wano atu, aechenu ukawo: mumu kachi chiyulo chino hanji chitanga chino chinakatuka kuli atu, makachonwona:

Yoshua 2:11

Muze twachivwile mbunge jetu jasangunukine; niumwe mutu kapwile ni hamu nawa mumu hali yenu. Mumu Yehova Zambi yenu iye Zambi mwilu ni hashi.

Yoshua 2:9

Yamba kuli malunga ngwenyi, Ngunanyingika ngwami, Yehova hanwaha chifuchi, ni woma wa yenu hiwatukwata. Chikwo nawa akwa chifuchi eswe anasangunuka kumeso jenu.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.