Nehemia 6:14 - MUKANDA USANDU WA ZAMBI 1975

¹⁴ Zambi yami, iwuluka kama Tobia ni Sambalate nikulita ni yitanga yo; ni profeta wa pwo Noadia, ni aprofeta akwo waze anazange kungukolesa woma.

Mukanda Wa Zambi 1970

¹⁴ Yingulemba ngwami: “Aa Zambi, iwuluka chize Tobia ni Sambalate haalinga, amwese kama lamba. Iwuluka nawa pwo yoze mukwa munanyi Nodia ni akwa munanyi akwo eswe waze anakazanga kunguvwisa woma.”

Nehemia 6:14 Iomraidhean Croise

Nehemia 13:29

Ewuluke Zambi yami, mumu hachisa usasendote, ni usendo wa usasendote, ni wa A-Levi.

Nehemia 5:19

Zambi yami, iwuluka kama hali yami yipema yeswe hinalingila atu ano.

Miaso (Masamu) 137:7

Yehova, iwuluka cha kulimika ni Endome, tangwa lia Yerusaleme, waze ambile ngwo, Puzulenu! Puzulenu! ni ye fundamentu yalio.

Miaso (Masamu) 22:1

Zambi yami, Zambi yami, kuchi te wangwehuka? Kuchi te uli kusuku ni yami, kwangukwashile, uli kusuku ni maliji jami a mikuma?

Miaso (Masamu) 63:1

Zambi, yena uli Zambi yami, chimenemene mungukufupa. Mbunge yami kuyakukuvwila pwila; musunya wami kuwakukuvwila usona, mu chifuchi chumu cha yikatalo muze kumushi meya.

Kutuhuka 15:20

Profeta wa pwo Miriame, ndumbu ya Arone, wakwachile kamukupiela mu kwoko lienyi mba mapwo eswe yatuhuka hamwe nenyi ni tumikupiela nikuhangana.

Jeremia 14:15

Kashika Yehova kanambe ha kutwala kuli aprofeta waze anaprofeteza mu jina liami, chipwe yami chaatumine, waze anambe ngwo, Katana ni kapunga kechi keza ha chifuchi chino, ngwami, Wano aprofeta kumakanonga ni katana ni kapunga.

Jeremia 14:18

Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Jeremia 28:1

Ha mwaka uze wene, ha kuputuka kuyula Zedekia mwanangana wa Yunda ha kakweji wamuchitano ha mwaka wamuchiwana, Hanania mwana Azure profeta wa ku Ngibeone yahanjika ni yami mu zuwo lia Yehova, kumeso ja asasendote ni atu eswe ngwenyi,

Jeremia 28:10

Henaho profeta Hanania yachiza kanga ku kota ya profeta Jeremia, yayipatula.

Jeremia 28:15

Mba profeta Jeremia yamba kuli profeta Hanania ngwenyi, Panjika Hanania, Yehova kakutumine alioze yena hiwakoka akwa vungu lino akafuliele mahuza.

Mateu 24:11

Ni aprofeta anji a kwonga kumakasoloka, mamupiangula anji.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

2 Timoteu 3:8

Chizechene ngwe Yane ni Yambwe alimikine ni Mose, chocho wano nawa kakulimika ni umwenemwene; atu a kupiha mu kunyonga cho, yisáshili ha kutwala ku Ufulielo.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.