Nehemia 6:13 - MUKANDA USANDU WA ZAMBI 1975

¹³ Hamufweta hanga angukolese woma ngumutayize, nguvulumune, hanga o akapwe ni chikuma cha kunguchoka nacho, afumanyise saki.

Mukanda Wa Zambi 1970

¹³ Haamwaha mbongo hanga anguvwise mwongo hanga nguvulumune, abihise lufuma wami, anguvwise sonyi.

Nehemia 6:13 Iomraidhean Croise

Nehemia 6:12

Mumu nanyingikine ngwami, Hi Zambi ko wamutumine; alioze waprofetezele chocho kulimika ni yami; a Tobia ni Sambalate hamufweta.

Nehemia 6:6

mwenamo mwasonewa ngwo, Kanachambe hakachi ka mavungu, ni Geshemu kanachambe nawa ngwo, Yena ni A-Yunda nunambe kuvunduka; kashika nunatungu chipanga-cha-mawe. Ni maliji jo nawa ngwo, Yena muopwa mwanangana wo.

Yishima 22:1

Lufuma mupema unapeme kuhiana upite unene; vumbi lia zango liahiana prata hanji oru.

Yishima 29:5

Yoze mapepieka mukwo kakulitela wanda wa muheto ha molu jenyi.

Longeshi 7:1

Jina lipema Unapeme kuhiana yitumbo ya maji ya ndando yilemu. Tangwa lia kufwa liahiana tangwa lia kusemuka.

Izaya 51:7

Panjikenu kuli yami, yenu nwanyingika ululi, enu atu nuli ni shimbi jami mu mbunge. Kanda nuvwila woma luchoko wa atu, kutukana cho kanda chinushima.

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Ezekiel 2:6

Ni yena, mwana mutu, kanda wavwila woma, kanda wivwa woma wa maliji jo chipwe muopwa ni mikalale ni mbimbo; chipwe mutwama hakachi ka tuvwanda. Kanda uvwila woma maliji jo, chipwe kutatajala mumu ha kutala cho, mumu kapwa munyachi wa yihulia.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 22:15

Hohene A-Fwariseu ayile, atwame punga ngwe chize mahasa kumutela ha kuhanjika chenyi.

Mateu 26:59

Asasendote akwa lutwe ni makulwana ni akwa kuyula eswe afupile yela a mahuza hali Yesu, hanga akamushihe.

Yilinga 6:13

Asele yela ja mahuza, waze ambile ngwo, Yono mutu keshi kulitwamina kuhanjika maliji a kulimika ni kuma kuno kusandu, ni ye shimbi.

2 Korintu 11:12

Alioze chize nakulinga, chizechene mungukachilinga hanga ngukajike jila ya waze akuzanga kulisamba; hanga muze akulisamba, akaawane chizechene ngwe yetu.

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.

2 Timoteu 1:7

Mumu Zambi katuhele Spiritu ya mwongo; alioze ya tachi, ni zango, ni mana.

Titu 2:8

kuhanjika chingunu, chize kuchishi kuhasa kuhia; hanga akavwise sonyi mweswe malimika, se keshi chuma chipi nichimwe cha kwamba hali yetu.

Tiangu (Jake) 4:17

Kashika kuli yoze manyingika kulinga kanawa, aiioze keshi kuchilinga, kuli iye kuchapwa shili.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.