Nehemia 6:11 - MUKANDA USANDU WA ZAMBI 1975

¹¹ Yingwamba ngwami, Te nguli mutu wa kuchina? Mutu wapwa ngwe yami machinyina mu tembele kulamwina mwono wenyi, iya jina lienyi? Chichi kunjilamo.

Mukanda Wa Zambi 1970

¹¹ Yingukumbulula ngwami: “Mutu ngwe yami munguhasa kuchina, nyi? Kuma Unanyongo mutu ngwe yami mungweseka kulilamwina nguswame mu zuwo lia Zambi, nyi? Chayile ko.”

Nehemia 6:11 Iomraidhean Croise

Nehemia 6:12

Mumu nanyingikine ngwami, Hi Zambi ko wamutumine; alioze waprofetezele chocho kulimika ni yami; a Tobia ni Sambalate hamufweta.

Nehemia 6:3

Kashika yingutuma tunganda kuli ayo ngwami, Ngunalingi milimo yinene, kashika Chahashile kupalumuka. Ngushihe milimo ha kuyihichika, ngukapalumuke kuli yenu?

Nehemia 6:9

Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Miaso (Masamu) 112:6

Iye kechi kakokoloka nilimwe tangwa. Mukwa ululi kumakamwiwuluka ku miaka ya mutolo.

Miaso (Masamu) 112:8

Mbunge yenyi yinakolo; kechi kevwa woma ndo mamona chize anazange hali akwa kulimika nenyi.

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Longeshi 10:1

Jiji afu kakunukisa vumba lipi yitumbo ya lupembo mupema; chocho uhepuke likepe kuwakukumba mana ni ulemu.

Izaya 10:18

Uhenya wa usaki wenyi ni wa chifuchi chenyi cha mihuko Yehova mawonwona, ni alma ni mujimba. Muchipwa ngwe muze mukwa kuyiza mapokieka.

Kwalula 3:10

Ukasele Arone ni ana jenyi a malunga akafunge usasendote wo. Nyi mukukundama umwe mukwo, akamushihe.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 21:13

Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Filipu 2:30

mumu ha milimo ya Kristu wakundamine ku kufwa, nikusela mwono wenyi ku Utoji, hanga akangumwese chize nwahonene ha kulingila chenu kuli yami.

Hebreu 11:27

Ku Ufulielo wehukile Engitu, kuchapwile ngwe wevwile woma wa ufwatulo wa mwanangana: mumu wanyongonwene ndusu ngwe kanamono yoze keshi kumoneka.

1 Samuel 19:5

Mumu wanjilile mu Utoji ni kushiha mwe Ka-Filistea mba Yehova walingile kukumba chinene hali A-Izalele. Ni yena kuwachimwene, yiuwahilila, kashika kuchi te muvulumuna manyinga keshi mulonga ukashihe David, chitela chakuhi?