Nehemia 6:10 - MUKANDA USANDU WA ZAMBI 1975

¹⁰ Nayile ku zuwo lia Shemaia mwana Ndelaia mwana Mehetapele mumu iye wa kuyikila. Aye yamba ngwenyi, Tutakanenu mu zuwo lia Zambi mwe mu tembele, tukayike mapito a tembele, mumu kaneza kukushiha. Ha ufuku meza kukushiha.

Mukanda Wa Zambi 1970

¹⁰ Ha tangwa lize yinguya ni kunangisa Shemaya, mwana wa Delaya mujikulu wa Mehetabele. Te kahashile kutuhuka mu zuwo lienyi. Yangulweza ngwenyi: “Yena ni yami chatutamba kuya ni kuswama muma mwa chijila mu zuwo lia Zambi, mutwajila yajilo, mumu kaanambe kukushiha. Ha umwe ufuku kumeza ni kukushiha.”

Nehemia 6:10 Iomraidhean Croise

Ubutukilo 36:39

Yafwa Mbale-henane mwana wa Akopore mba Hadare wamusalakanyine, mu chiyulo. Jina lia limbo lienyi Pau. Jina lia mukwopwo Mehetapele mwana wa Metrende, mwana wa Mezahepe.

1 Yitanga Ya Mianangana 6:5

Yatunga nawa mazuwo a kukundakenya ku yishimi ya zuwo, kwakujingilika haze lia tembele ni lia uhanjikilo. Kweswe kwakujingilika te yipatulo yiliko.

1 MIANANGANA 11:3

Mwe mwana wapwile hamwe nenyi, wa kusweka mu zuwo lia Yehova miaka yisambano, alioze Atalia wayulile chifuchi.

1 MIANANGANA 9:8

Mumu munyachi weswe wa Ahabe muukajimuka. Mungukateta kuli Ahabe lunga mweswe muli Izalele; wa kukasa ni wa kutusula.

2 Sango Ja Mianangana 28:24

Ahaze yakunga yikwachilo ya mu zuwo lia Zambi nikuyitetateta tuyipinji, ni kwajila mapito a zuwo lia Yehova. Yalitungila yilumbilo ku malindalinda eswe a mu Yerusaleme.

2 Sango Ja Mianangana 29:3

Ha mwaka utangu wa kuyula chenyi, ha kakweji mutangu, yazulula mapito a zuwo lia Yehova ni kwalulika.

2 Sango Ja Mianangana 29:7

Chikwo nawa hanajila mapito a senge, nikujima ndeya. Kochele insensu; kalambwile milambu ya kulumba muma musandu kuli mwe Zambi ya Izalele.

Ezra 10:31

Kuli ana ja Harimi, Elieza, ni Ishia, ni Malekia, ni Shemaia, ni Shimeone,

Ezra 8:16

Kashika natumine kusaka Elieza, ni Ariele, ni Shemaia, ni Elenatane, ni Jaribe, ni Elenatane, ni Natane, ni Zekaria, ni Meshulame, eswe akwa lutwe. Nasakile nawa Joaribe ni Elenatane, o te alongeshi.

Nehemia 6:12

Mumu nanyingikine ngwami, Hi Zambi ko wamutumine; alioze waprofetezele chocho kulimika ni yami; a Tobia ni Sambalate hamufweta.

Miaso (Masamu) 12:2

Mweswe kakuhanjika yuma yamokomoko kuli mwenyembo wenyi. Kakuhanjika ni mivumbo ya kupepieka, ni mbunge jiali.

Miaso (Masamu) 37:12

Yingulungulu kakutwama punga mukwa ululi, kakulikopola ku mazo hali iye.

Yishima 11:9

Ni kanwa lienyi chilembese kakwonwona mwenyembo wenyi; alioze ku yinyingi kumakapulula akwa ululi.

Jeremia 36:5

Jeremia yatuma Baruke ngwenyi, Yami hanangukanjisa kunjila mu zuwo lia Yehova,

Ezekiel 3:24

Alioze Spiritu yangunjila, yangumanyisa ha molu jami, yamba kuli yami ngwenyi, Yako ukaliajile mu zuwo lie.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yilinga 21:30

Limbo lieswe liapwile ni Chizungozungo, atu akungulukile; akwachile Paulu, amumbulumwine haze lia tembele; haze hene ajilile mapito.