Nehemia 5:7 - MUKANDA USANDU WA ZAMBI 1975

⁷ Nanyongene, mba nalitachikile ni alemu ni akwa kuyula ngwami, Enu nwakufwetesa mbwezo mutu mweswe kuli usoko wenyi. Mba nasanyikine chikungulwila chinene ha kusopa no.

Mukanda Wa Zambi 1970

⁷ yingubatula ngwami, mungubajila miata ni akwa kuyula akwo mumu kaakutambula mbwezo kuli usoko wo. Yingwatambika ku punga yinene ni kusopa mulonga wo,

Nehemia 5:7 Iomraidhean Croise

Miaso (Masamu) 109:11

Mwenya mikuli akakwate cheswe nicho. Yilambala akapupe kukilikita chenyi.

Miaso (Masamu) 15:1

Yehova, iya matwama mu mbalaka ye? Iya matunga ha mulundu we usandu?

Miaso (Masamu) 15:5

Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 4:4

Ivwenu woma, kanda nuvulumuna. Lishimwinyenu ni mbunge ja yenwene ha mihela yenu nukahole.(Litulike.)

Miaso (Masamu) 94:16

Iya makatuka hali yami mukulimika ni akwa kulinga yipi? Iya mangumanyina kama kulimika ni akwa kulinga uhenge?

Kutuhuka 22:24

Mba utenu wami muukasasaminya, kumungukamushiha ni katana. Akwenumapwo kumakapwa tuliwa; ana jenu ashiwa.

Kutuhuka 22:25

Kachi muhana mbongo ja makongo kuli chiswale mweswawo wa atu jami, kanda ukapwa kuli iye mukwa kuhana mbongo chipwe kanda ukamufwetesa mbwezo.

Yishima 27:5

Kukanjisa cha kumeso chinawaha kuhiana zango lize liapwa lia kusweka.

Yishima 28:4

Waze akwehuka shimbi kakuhalisa yingulungulu; alioze akwa kulinga shimbi kakulimika no.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Alevi 25:36

Kanda nutambula mbwezo kuli iye hanji kumufwetesa mbuto, alioze vwilenu woma Zambi yenu hanga mukwenu akatwame hamuwika nenu.

Mateu 18:17

Kachi maapangula, chambulule ku chikungulwila: nyi kachi mapangula chikungulwila nawa, akapwe kuli yena ngwe mukwa-mavungu ni mukwa kufwetesa lijimu.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Galashia 2:11

Muze Petulu ahetele ku Andiakia, nalimikine nenyi, meso ni meso mumu iye wahile.

1 Timoteu 5:20

Waze mavulumuna, ukaakumike kumeso ja atu eswe, hanga akwo nawa akapwe ni woma.

Titu 2:15

Hanjika yino yuma, ukayishinjile, ukakumike ni chiyulo cheswe. Niumwe kanda akulelesa.