Nehemia 5:5 - MUKANDA USANDU WA ZAMBI 1975

⁵ Hindu musunya wetu wapwa ngwe musunya wa akwetu, ni ana jetu ngwe ana jo; hindu twakuhana ana jetu a malunga ni a mapwo ku undungo, ni amwe anetu a mapwo hapwa kulu ndungo. Kutwahashile kulinga nichimwe, mumu minda yetu ni mitondo yetu ya uva yili mu moko ja atu akwo.

Mukanda Wa Zambi 1970

⁵ Alioze yetu eswe tuli Ayuda. Kuma ana jetu hi abema ko ngwe ana jo, nyi? Hindu hitwahana ana jetu mu undungo. Ana jetu a mapwo amwe haabwa ndungo. Mama lambe! Kutwahashile kulinga nichimwe mumu minda yetu ya yakulia ni ya vinyu haanayitambula.”

Nehemia 5:5 Iomraidhean Croise

Ubutukilo 29:14

Lapane yamba kuli iye ngwenyi, Ena pundu uli chifwaha chami ni musunya wami. Yatwama nenyi ha shimbu lia kakweji.

Ubutukilo 37:27

Tumulanjisenu kuli A-Ishemali alioze kanda tumushiha yetu mumu iye mwanakwetu, musunya wetu. Mba ana-akwo yapanjika kuli iye.

1 MIANANGANA 4:1

Umwe wa kuli mapwo ja ana ja aprofeta yateta kuli Elisha ngwenyi, Kavumbi kenu mukwetu-lunga hanafu, mba nunanyingika kavumbi kenu wevwilile woma Yehova. Haliapwila mukwa mukuli heza kutwala ana jami aali mu undungo.

Yishima 22:7

Pichi kakuyula chiswale ni mukwa kutambula mukuli mapwa ndungo ya mwenya mukuli

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Izaya 58:7

Ngwami, Kupangila kulia chenu ni akwa zala, kuneha mu mazuwo jenu yiswale waze keshi zuwo. Muze munumona yoze keshi mazalo numufuke, kanda nuswama kuli mutu ni mukwenu.

Mateu 18:25

Alioze mumu te kapwile nacho nichimwe cha kufweta, mwene wenyi wambile akamulanjise ni mukwo-pwo, ni ana jenyi, ni yuma yize yeswe apwile nayo, akalifwete.