Nehemia 5:2 - MUKANDA USANDU WA ZAMBI 1975

² Mumu amwe yamba ngwo, Etu ni ana jetu a malunga ni a mapwo tuli anji; tufupenu mbuto tulie tumone mwono.

Mukanda Wa Zambi 1970

² Amwe yaamba ngwo: “Tuli ni ana anji, tunahono yakulia.”

Nehemia 5:2 Iomraidhean Croise

Ubutukilo 41:57

Akwa yifuchi yeswe ejile kuli José mu Engitu akalande mbuto mumu kapunga wapwile mukalu hashi heswe.

Ubutukilo 42:2

Yamba ngwenyi, Hinevwa ngwo, Mbuto ku Engitu kuyili. Yénu nukatulanjileko yimwe tukapwe ni mwono. Kanda tufwa.

Ubutukilo 43:8

Yunda yamba kuli tato Izalele ngwenyi, Tuma mwe mukweze ni yami, mba mutuka tuka, mutuya, hanga tukamone mwono, kanda tufwa ni yetu ni yena ni ana jetu.

Ubutukilo 47:19

Kuchi te mutufwa ni yetu ni chifuchi chetu kumeso jenu? Utulande ni kulia ni yetu ni minda yetu, mba yetu ni minda yetu mutupwa a mbala a Falau. Twehenu mbuto tutwame ni mwono, kanda tufwa, kuchina chifuchi muchisala chahululu.

1 MIANANGANA 4:1

Umwe wa kuli mapwo ja ana ja aprofeta yateta kuli Elisha ngwenyi, Kavumbi kenu mukwetu-lunga hanafu, mba nunanyingika kavumbi kenu wevwilile woma Yehova. Haliapwila mukwa mukuli heza kutwala ana jami aali mu undungo.

Nehemia 5:3

Amwe akwo ambile ngwo, Tunatokesa minda yetu, ni mitondo yetu ya uva, ni mazuwo jetu ngwe tombo, tutambule mbuto mumu ha zala.

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Shimbi 23:19

Kanda nuhana makongo kuli mukwenu mukutambula mbwezo, chipwe mbwezo ya mbongo, chipwe mbwezo ya kulia, chipwe ya yuma yeswayo nwahana mukutambula mbwezo.