Nehemia 5:19 - MUKANDA USANDU WA ZAMBI 1975

¹⁹ Zambi yami, iwuluka kama hali yami yipema yeswe hinalingila atu ano.

Mukanda Wa Zambi 1970

¹⁹ Aa Zambi, ngunakulembe, ngwiwuluke kama ha yuma yeswe yize hinalingila atu wano.

Nehemia 5:19 Iomraidhean Croise

Ubutukilo 40:14

Alioze ukangwiwuluke muze muchipwa kawape ni yena, Ukangulinge kama vumbi, ukanguvuluke kuli Falau akanguchize kama mu zuwo lino.

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Nehemia 13:14

Zambi yami! Ungwiwuluke kama ha chuma chino; kanda ukajimuna yitanga yami yipema yize nalingila zuwo lia Zambi yami ni ha shimbi jalio jeswe.

Nehemia 13:22

Yingwamba A-Levi alipemese, eze afunge mapito akasele ku usandu Sambata. Zambi yami Wiwuluke chino chuma nawa kuli yami ukangufunge nikulita ni unene wa utu wa zango lie.

Nehemia 13:31

ni ha mulambu wa kunyi ha matangwa jajo, ni ha mbuto yitangu. Zambi yami, ungwiwuluke kama, unguwahise.

Miaso (Masamu) 106:4

Yehova, ungwiwuluke kama ni vumbi lize wakupwa nalio kuli atu je. Ungunangise ni ulamwino we.

Miaso (Masamu) 40:17

Ami nguli chiswale kanda mukwa kuhona, hindu Mwene kakungunyonga. Yena uli chikwashi chami kanda mukwa kungupulula; kanda ulaluka Zambi yami. Kuli Njimba mukwa lutwe. Samu lia David.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Mateu 10:42

Mweswawo manwisa umwe wa kuli wano akepe musenge wa meya a kekema wika, mumu iye kambaji, pundu ngunambe kuli yenu ngwami, Yoze kechi katokesa kwononona chenyi nichimwe.

Marku 9:41

Mumu mweswawo manwaha musenge wa meya a kunwa, mumu nuli a Kristu, pundu ngunambe kuli yenu ngwami, Yoze kechi katokesa kwononona chenyi nichimwe.