Nehemia 5:16 - MUKANDA USANDU WA ZAMBI 1975

¹⁶ Chikwo nawa nanyongonwene mu milimo ya chipanga chino cha mawe. Kutwalanjile minda niyimwe, ni ngamba jami eswe aswilile ku milimo.

Mukanda Wa Zambi 1970

¹⁶ Chikwo nawa yingulihana ni kutungulula chipanga cha limbo lia Yerusaleme, chalanjile kwami minda, ni akwa milimo jami eswe yaalikunjika ni kutunga.

Nehemia 5:16 Iomraidhean Croise

Nehemia 5:15

Alioze akwa kuyula a kushi shimbu kanda ngwiza, o yaalisa kuli atu. Yatambula kuli ayo mbolo ni vinyu helu lia makumi awana a shekele ja prata. Chipwe tuvumbi two alumukine akwa kuyula atu. Alioze yami chalingile chocho mumu ha woma wa Zambi.

Nehemia 5:17

Chikwo nawa nalishile ku mesa yami kulakaji ni makumi atano a malunga, A-Yunda ni akwa kuyula, helu lia waze akatukile hakachi ka mavungu a kutujingilika nikwiza kuli yetu.

Kwalula 16:15

Mose yatenuka chikolo, yamba kuli Yehova ngwenyi, Kanda ulemesa mulambu wo. Chatambwile kuli ayo chipwe chimbulu umuwika, chipwe kulinga chipi kuli umwe wa ayo, chamulingile chipi.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.