Nehemia 5:13 - MUKANDA USANDU WA ZAMBI 1975

¹³ Yingusakumuna hina liami nikwamba ngwami, Chocho Zambi asakumwine ku zuwo lienyi, ni ku milimo yenyi mutu mweswe yoze kalingile nikulita ni chilakenyo chino; chocho amusakumwine ni kumumwanga. Ni akwa chikungulwila eswe yamba ngwo, Amene, ni kuhalisa Yehova. Mba atu yalinga nikulita ni chilakenyo chino.

Mukanda Wa Zambi 1970

¹³ Mba yingulikukumuna hina lize te ngunazala mu zalilo yami ni kulizula. Yingwalweza ngwami: “Chenacho makalinga Zambi kuli yenu nyi kunuchi kufunga chilakenyo chenu. Zambi makatambula mazuwo jenu ni yuma yenu yeswe, makanukatwisa mokomoko.” Atu eswe waze te anamana ko yaamba ngwo: “Chibwe kama Chenacho!” Mba yachichimieka Mwene Zambi. Miata yaafunga yilakenyo yo.

Nehemia 5:13 Iomraidhean Croise

1 MIANANGANA 23:3

Mba mwanangana yamana ku nguji, yakolesa usendo kumeso ja Yehova kukaula Yehova, kufunga shimbi jenyi ni Shindakenyo jenyi ni yiyulo yenyi ni mbunge yenyi yeswe, ni mwono wenyi weswe, nikukolesa maliji a usendo uno asonewene mu mukanda. Atu eswe atayijile usendo.

1 Sango Ja Mianangana 16:36

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambile ngwo, Amene, ahalishile Yehova.

Nehemia 8:6

Ezera yahalisa Yehova mwe Zambi munene, ni atu eswe yakumbulula ngwo, Amene! Amene! nikuzundula moko jo. Yahetamisa mitwe yo nikuwayila Yehova nikufulamana hashi.

Miaso (Masamu) 119:106

Hinalishinga, nachikolesa nawa, ngwami, Mungufunga upatwilo we wa ululi.

Miaso (Masamu) 50:14

Lambulenu kuli Zambi chitapo cha kusakwila. Fwetenu yilakenyo yenu kuli mwe Chitunda.

Miaso (Masamu) 76:11

Lilakenyenu, nufwete kuli Yehova Zambi yenu. Waze eswe anamujingilika anehe milambu kuli yoze watela kumuvwila woma.

Yishima 28:4

Waze akwehuka shimbi kakuhalisa yingulungulu; alioze akwa kulinga shimbi kakulimika no.

Longeshi 5:5

Kulakenya ni kufweta ka achi chipi; Shinaho kanda ulakenya nichimwe.

Kwalula 5:22

Ano meya a kuneha shingo manjila mu jimo lie, majimbisa mujimba we, masosewesa chitongo che. Mba mwe pwo mamba ngwenyi, Amene, Amene.

Mateu 10:14

Mweswawo kechi kanutambula, chipwe kechi kevwa maliji jenu, shimbu munutuhuka mu zuwo lize, hanji limbo lize, nukakukumwineho fufuta ya ku molu jenu.

Yilinga 13:51

Alioze o akukumwine fufuta ku molu jo mukwahisa, ayile ku Ikoniu.

Yilinga 18:6

Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.

1 Korintu 14:16

Nyi ka, kachi mufumanyisa ni Spiritu, ngwe kuchi yoze kanyingikine mamba ngwenyi, Amene, ha kusakwila che? Se kanyingikineko chize unambe.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.