Nehemia 5:12 - MUKANDA USANDU WA ZAMBI 1975

¹² O yamba ngwo, Mutuyihilwisa. Kutuchi kwafwetesa nichimwe. Chocho mutulinga ngwe hiwamba. Mba nasanyikine asasendote; naashingishile akalinge nikulita ni chilakenyo chino.

Mukanda Wa Zambi 1970

¹² Miata ni akwa kuyula akwo yaakumbulula ngwo: “Ewa mwane, mutulinga ngwe chize nunambe. Mutuhilwisa yeswe, kutuchi kukala nawa makongo waze.” Yingutambika mahako, yingushingisa miata ku meso jo hanga afunge chilakenyo cho.

Nehemia 5:12 Iomraidhean Croise

Ezra 10:12

Mba chikungulwila cheswe chakumbulwile ni liji linene ngwo, Ngwe hiwatwamba chocho chatutamba kulinga.

Ezra 10:5

Mba Ezera yakatuka yashingisa akwa lutwe ja asasendote, ni A-Levi, ni A-Izalele eswe ngwo, Mutulinga liji lino. O yalishinga.

Nehemia 10:29

o yalifutula ni akwo, ni alemu jo, akalikase ni shingo ni chilakenyo kwenda mu shimbi ja Zambi, jize Mose kavumbi ka Zambi wajihanyine, akafunge ni kulinga maliji eswe a Yehova Mwene wetu, hamwe ni upatwilo wenyi ni yiyulo yenyi.

Nehemia 10:30

Chikwo nawa ngwetu, Kutuchi kuhangisa anetu a mapwo kuli mavungu a chifuchi chipwe kutambula ana jo a mapwo hali anetu a malunga.

Nehemia 10:31

Nyi mavungu a chifuchi maneha yuma yo hanji kulia ha Sambata kulanda, kutuchi kulanda kuli ayo ha Sambata, hanji ha tangwa lisandu; kutuchi kulima mwaka wamuchishimbiali, kutuchi kufwetesa mukuli niumwe.

Nehemia 13:25

Yingulitachika no, nikwashinga, nikulamba amwe, ni kusuta kambu jo, nikwashingisa ni Zambi ngwami, Kunuchi kuhana anenu a mapwo kuli anó a malunga, chipwe kumbata anó a mapwo hali anenu a malunga hanji hali yenwene.

Nehemia 5:11

Hilwisenu kuli ayo musono uno mande jo, ni minda yo ya uva, ni ya olevwe, ni mazuwo jo. Hilwisenu nawa chihanda chimuwika cha kulakaji cha mbongo, ni mbuto, ni vinyu, ni maji yize nwakutambula kuli ayo.

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Luka 19:8

Alioze Zakeu wamanyine, wambile kuli Mwene ngwenyi, Mwene, chihanda cha hakachi cha yikumba yami ngunahane kuli yiswale; nyi kachi natambwile chimwe kuli mutu umwe ni chisanyino, kachi ngunahilwisa kuli iye yisuho yiwana.