Nehemia 5:10 - MUKANDA USANDU WA ZAMBI 1975

¹⁰ Chipwe yami nawa ni usoko wami ni atu jami mutuhasa kwaaha mbongo ni mbuto ha mbwezo. Ngunaliumbu, litwaminenu chuma chino cha mbwezo.

Mukanda Wa Zambi 1970

¹⁰ Yami, ni masepa jami, ni akwa milimo jami tunakasondamisa mbongo ni yakulia kuli atu. Ni haliabwila kanda tujikala.

Nehemia 5:10 Iomraidhean Croise

Nehemia 10:32

Chikwo nawa twaliselele shimbi tukafwete mwaka ha mwaka chihanda chimuwika ha yihanda yitatu ya shekele ha milimo ya zuwo lia Zambi yetu,

Nehemia 5:11

Hilwisenu kuli ayo musono uno mande jo, ni minda yo ya uva, ni ya olevwe, ni mazuwo jo. Hilwisenu nawa chihanda chimuwika cha kulakaji cha mbongo, ni mbuto, ni vinyu, ni maji yize nwakutambula kuli ayo.

Nehemia 5:7

Nanyongene, mba nalitachikile ni alemu ni akwa kuyula ngwami, Enu nwakufwetesa mbwezo mutu mweswe kuli usoko wenyi. Mba nasanyikine chikungulwila chinene ha kusopa no.

Nehemia 5:9

Yingwamba nawa ngwami, Chino chuma nunalingi hi chipema ko. Chanutamba kwenda ni woma wa Zambi mumu ha sau lia akwa kole jetu a mavungu.

Miaso (Masamu) 15:5

Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Ezekiel 18:13

kakuhana mbongo ha mbwezo ni kutambula ja kulifumbula; te iye makatwama ni mwono? Kechi katwama ni mwono. Halinga yino yuma yeswe ya lwaji; kumakafwa; manyinga jenyi makapwa hali iye mwene.

Ezekiel 18:7

keshi kupinjisa niumwe alioze kakuhilwisa tombo kuli mukwa kutambula mukuli; keshi kwiya alioze kakuhana mbolo yenyi kuli akwa zala; kakujika akwa uselesele,

Ezekiel 18:8

keshi kuhana mbongo ha mbwezo hanji ha kulifumbula chimwe; kakuchiza kwoko lienyi ku uhenge; kakupatula ni ululi wamwenemwene hakachi ka mutu ni mutu;

Mika 2:1

Lamba kuli waze akutaka ungulungulu, nikunyonga yipi ha mihela yo! Mu kucha mayilinga mumu machihasa ni tachi jo.

2 Korintu 5:11

Kashika se tunanyingika woma wa Mwene, twakukununa atu; alioze kanatusolola kuli Zambi; mba ngunatatatata tukalumbunuke ku mbunge jenu.

2 Korintu 5:20

Kashika yetu tuli tunganda twa Kristu, ngwe Zambi kanaliumbu ku liji lietu: tunahanjikila Kristu nikuliumba ngwetu, Wanenu ni Zambi.

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Shimbi 15:2

Ndako ya kutusula yikapwe yino, eswe akwa kuhana mikuli, mutu ni mutu akatusule mikuli ayihanyine kuli mukwo. Kanda ayizanjika kuli mukwo, hanji kuli usoko wenyi, mumu hanambujola kutusula cha Yehova.