Nehemia 4:6 - MUKANDA USANDU WA ZAMBI 1975

⁶ Chocho twatungile chipanga-cha-mawe, necho cheswe achinungine ndo ku chihanda cha ha muchima cha Chizundamo chacho; mumu te atu apwile ni mbunge ya kukilikita.

Mukanda Wa Zambi 1970

⁶ Alioze chibwe chocho yetu yitunyongonona kutungulula chipanga. Mba ha kashimbu lume chipanga hichaheta hakachi ka chizundamo chacho, mumu atu yaalihana ku milimo.

Nehemia 4:6 Iomraidhean Croise

1 Sango Ja Mianangana 29:14

Alioze yami kuchi napwa, ni atu jami kuchi apwa hiwatuhashisa kuhana ni mbunge milambu yipwahaha? Mumu yuma yeswe kuli yena yinakatuka, kashika upite wa yena mwene hitwakuhilwisa.

1 Sango Ja Mianangana 29:3

Chikwo nawa mumu ha kusa zango liami lieswe ku zuwo lia Zambi yami, se nguli ni upite wa yami mwene wa oru ni prata ngunauhana ku zuwo lia Zambi yami helu lia yuma yize yeswe hinalulika ha lie zuwo lisandu,

2 Sango Ja Mianangana 29:36

Ni Hezekia yawahilila, ni atu eswe, mumu ha yuma yize Zambi walulikile hali e atu. Mumu chapwile chuma cha susumuku.

Nehemia 4:5

Kanda ufuka uhenge wo; mulonga wo kanda uujimuna kumeso je, mumu hakwihia ku utenu kumeso ja akwa kutunga.

Nehemia 4:7

Muze Sambalate, ni Tobia, ni A-Arabia, ni A-Amone, ni A-Ashedode hevwa ngwo, Milimo ya kululika yipanga-ya-mawe ya Yerusaleme yinayi kulutwe, ni yituwa kanaputuka kuyijika, yatenuka chikolo.

Nehemia 6:15

Chocho chipanga-cha-mawe twachimanunwine ha tangwa makumi aali ni liamuchitano lia kakweji Elule, milimo ya makumi atano a matangwa ni matangwa aali.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Miaso (Masamu) 122:3

Yerusaleme watungiwa ngwe limbo lia kununga hamuwika.

Hagai 1:14

Mba Yehova yashinjila Spiritu ya Zorobabele mwana Salatiele, nguvulu wa Yunda, ni Spiritu ya sasendote mukwa lutwe Yoshua mwana Jehozadake, ni Spiritu ya masalila eswe ja atu. Yeza; yahondangana milimo ku zuwo lia Yehova-wa-Tujita, Zambi yo,

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.