Nehemia 4:23 - MUKANDA USANDU WA ZAMBI 1975

²³ Chocho chipwe yami, chipwe akwetu, chipwe atu jami, chipwe tulayi akwa kungukaula, niumwe hakachi ketu wazulile mazalo jenyi. Mutu mweswe wayile ku meya ni chitwa chenyi mu kwoko.

Mukanda Wa Zambi 1970

²³ Chazulile ko mahina jami ha ufuku, chibwe akwetu, chibwe tuvumbi twami, chibwe tufunga twami. Yetu eswe yitukwata yitwa ya jita ku moko.

Nehemia 4:23 Iomraidhean Croise

Nehemia 4:22

Matangwa aze ene yingwamba nawa kuli atu ngwami, Mutu mweswe ni ngamba yenyi apombe mwe mu Yerusaleme hanga akapwe ngwe tulayi kuli yetu ha ufuku, mba ha mwalwa makilikita.

Nehemia 5:1

Kwapwile nawa muteto unene kuli atu ni kuli mapwo jo wa kulimika ni atu jo A-Yunda.

Nehemia 5:16

Chikwo nawa nanyongonwene mu milimo ya chipanga chino cha mawe. Kutwalanjile minda niyimwe, ni ngamba jami eswe aswilile ku milimo.

Nehemia 7:2

mba yingusela kuyula Yerusaleme mukwetu Hanani hamwe ni Hanania, nguvulu ya mbonge; mumu iye mutu wamwenemwene, wevwilile woma Zambi kuhiana akwo anji.

Joele 2:8

Niumwe keshi kushinjika mukwo; kakwenda mutu mweswe mwe mu jila. Kakulokola ndusu hakachi ka yitwa, ni kulemana ka.

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

Akwa Kuyula 5:11

Kusuku ni zungo lia ngashi, kuze akutahila meya kwenako akwambujola kukumba cha Yehova, kukumba cha atu jenyi mu Izalele. Mba kwe ku yikolo endele atu a Yehova.

Akwa Kuyula 9:48

Mba Apimeleke yakanduka ku mulundu wa Zalmone hamwe ni malunga aze apwile no. Apimeleke yanda njimbu mu kwoko lienyi; yacha chichita cha tete; yanda, yasa ha chipaya. Yamba kuli malunga aze apwile no ngwenyi, Chino nunangumono ngunalingi, ni yenu lingenu nikawashi.