Nehemia 4:21 - MUKANDA USANDU WA ZAMBI 1975

²¹ Chocho twakilikichile mu milimo; chihanda cha ha muchima cha atu akwachile makunga chize ku kuvumbuka chimene ndo ku kusoloka cha matongonoshi.

Mukanda Wa Zambi 1970

²¹ Tangwa ha tangwa, chize ku kuvumbuka cha tangwa ndoo ku kusoloka cha matongonoshi ha ufuku, mbunga ya ha muchima ya kuli yetu yaatunga chipanga, ni mbunga yikwo yaafunga chipanga ni makunga.

Nehemia 4:21 Iomraidhean Croise

Nehemia 4:20

Kashika kweswako munuvwila liji lia chitavwi hizombokenuko kuli yetu. Zambi yetu matwashila jita.

Nehemia 4:22

Matangwa aze ene yingwamba nawa kuli atu ngwami, Mutu mweswe ni ngamba yenyi apombe mwe mu Yerusaleme hanga akapwe ngwe tulayi kuli yetu ha ufuku, mba ha mwalwa makilikita.

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Kolosu 1:29

Ha chino nawa nakukilikita nikulitachika, nikulita ni kulinga chenyi chize chakulinga muli yami ni tachi.