Nehemia 4:2 - MUKANDA USANDU WA ZAMBI 1975

² Yamba kumeso ja usoko wenyi ni tujita twa Samaria ngwenyi, Wano A-Yunda amokomoko yika analingi? Te kumalikolesa? Te kumalambula yitapo? Te kumamanununa tangwa limuwika? Mahasa kuvumbula mawe mu milumba ya yiswaswa muze hawema?

Mukanda Wa Zambi 1970

² Yahanjika ku meso ja masepa jenyi ni ja tujita twa Samaria ngwenyi: “Wano Ayuda kaali amokomoko, yika anambe kulinga? Kaananyongo ngwo, maahasa kutungulula limbo, nyi? Hanji ha kulambula milambu kuli Zambi maahasa kumanununa milimo yize ha tangwa limuwika, nyi? Kuma mahasa kuvumbula mawe ku yiswaswa ya yuma yize yawemene kulu, nyi?”

Nehemia 4:2 Iomraidhean Croise

Ezra 4:4

Mba enya chifuchi ahongesele moko ja A-Yunda nikwahungumiona ha kutunga.

Nehemia 12:27

Ha kusela ku lisandu chipanga-cha-mawe cha Yerusaleme afupile A-Levi kweswako atwamine nikwaneha ku Yerusaleme akachisele ku usandu ni kulikwiza ni kusakwila, ni kwimba nawa ni sembalu, ni yisaji ya kusa, ni tulialia.

Nehemia 12:43

Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Nehemia 4:10

A-Yunda yamba ngwo, Tachi ja akwa kututa yiteli hijatepuluka ni yiswaswa yinji yiliko; kashika kutwahashile kutunga chipanga-cha-mawe.

Nehemia 6:15

Chocho chipanga-cha-mawe twachimanunwine ha tangwa makumi aali ni liamuchitano lia kakweji Elule, milimo ya makumi atano a matangwa ni matangwa aali.

Miaso (Masamu) 83:4

Hamba ngwo, Tatuyenu tukaatete munyachi wo, hanga jina lia Izalele kanda akaliwuluka nawa.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 33:24

Kwevwile chize wano atu anambe ngwo, Yehova hanalitunu minyachi yize yiali atongwele? Chocho hanalelesa atu jami ngwe kapwile vungu kumeso jo.

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.

Habakuke 3:2

Yehova, hinevwa lufuma we; ngunavwila woma chitanga che! Yehova, huzulula milimo ye hakachi ka miaka. Hakachi ka miaka uyisolole. Hakachi ka ufwatulo iwuluka keke.

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Zakaria 4:10

Mumu iya halelesa tangwa lia yuma yikepe? Kumakawahilila; kumakamona prumo mu kwoko lia Zorobabele. Wano shimbiali o meso ja Yehova kakwendangana hashi heswe.

1 Korintu 1:27

Alioze Zambi hanatongola yuma ya uhepuke ya hano hashi, hanga akakolese sonyi akwa mana, Zambi hanatongola yuma yilelu ya hano hashi, hanga akakolese sonyi yuma ya tachi;