Nehemia 4:16 - MUKANDA USANDU WA ZAMBI 1975

¹⁶ Chize ku tangwa lize chihanda cha ha muchima cha atu jami alingile milimo, ni chihanda chikwo cha ha muchima akwachile makunga ni kepwe ni mata, ni mazalo ja utale, ni akwa kuyula akolesele munyachi weswe wa Yunda.

Mukanda Wa Zambi 1970

^16-17 Chize ku tangwa lize mbunga yimuwika ya malunga yaalinga milimo. Mbunga yikwo yaabwa tufunga, yaazala mahina a utale a jita, yaakwata makunga, ni kebwe, ni mata a kwasa. Ni e miata jetu yaatakamisa atu waze te anatungu che chipanga. Chibwe waze te anambata yuma ya kutunga nayo, yaachilinga ni kwoko limuwika, ni kwoko likwo anakwata chitwa cha jita.

Nehemia 4:16 Iomraidhean Croise

Nehemia 4:15

Muze akwa kole jetu hevwa chino chuma, ngwe etu hitwanyingika mana jo, ni Zambi halelesa kutaka cho, mba etu eswe twahilukile ku chipanga, mutu mweswe ku milimo yenyi.

Nehemia 4:17

Ni waze atungile chipanga-cha-mawe, ni waze atuchile yiteli, ni waze aatwikile, mutu mweswe ni kwoko limuwika alingile milimo, ni kwoko likwo wakwachile chitwa chenyi.

Nehemia 4:23

Chocho chipwe yami, chipwe akwetu, chipwe atu jami, chipwe tulayi akwa kungukaula, niumwe hakachi ketu wazulile mazalo jenyi. Mutu mweswe wayile ku meya ni chitwa chenyi mu kwoko.

Miaso (Masamu) 101:6

Meso jami matala kuli amwenemwene mu chifuchi hanga akatwame ni yami. Mweswe mendela mu jila yingunu iye manguvumbika.

Kutuhuka 28:32

Likapwe ni chituwa cha mutwe mukachi. Likapwe ni lupula wa kuseleka wa kujingilika che chituwa chalio, ngwe chituwa cha ku chikuto cha utale hanga kulichi katanuka.

Mwaso Ubema Wahiana 3:8

Eswe kanalipakata ni tutana, eswe akwa kujama mu jita. Mweswe kali ni katana kenyi ha kulu ha yuma ya kutungumuna ha ufuku.

Jeremia 46:4

Senu yikapa hali tuvwalu; nyinenuho enu akwa tuvwalu! Manyinenu kuma kwenu ni ngalau; pemesenu makunga; zalenu yikuto ya yikungo!