Nehemia 4:15 - MUKANDA USANDU WA ZAMBI 1975

¹⁵ Muze akwa kole jetu hevwa chino chuma, ngwe etu hitwanyingika mana jo, ni Zambi halelesa kutaka cho, mba etu eswe twahilukile ku chipanga, mutu mweswe ku milimo yenyi.

Mukanda Wa Zambi 1970

¹⁵ Akwa kole jetu yeevwa ngwo, hitwanyingika kulu punga yize atwamine, yaanyingika nawa ngwo, Zambi hamwanga punga yo. Mba yetu eswe yituhiluka ni kutungulula che chipanga.

Nehemia 4:15 Iomraidhean Croise

2 Samuel 15:31

Umwe yalweza David ngwenyi, Ahitofele hanalifutula ni waze akwa punga ya Absalome. David yamba ngwenyi, Yehova, ngukulembe, alumuna mana a Ahitofele akapwe uhepuke.

2 Samuel 17:14

Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

Nehemia 4:16

Chize ku tangwa lize chihanda cha ha muchima cha atu jami alingile milimo, ni chihanda chikwo cha ha muchima akwachile makunga ni kepwe ni mata, ni mazalo ja utale, ni akwa kuyula akolesele munyachi weswe wa Yunda.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Izaya 44:25

Mukwa kufuwisa yinyingi ya akwa mahuza, kakuhepwisa tahi, kakuhilwisa kunyima akwa mana, nikupwisa mana jo uhepuke;

Izaya 8:10

Twamenu punga hamuwika, alioze muchikafuwa; hanjikenu liji, alioze kulichi kakola, mumu Zambi tuli nenyi hamwe ni yetu.

Marku 13:34

Chinapu ngwe mutu kanayi mu wenyi ku chifuchi chikwo, mahichika zuwo lienyi, mahana chiyulo kuli ndungo jenyi, kuli mweswe milimo yenyi, mamba mukwa kufunga pito, akalé.

A-ROMA 12:11

Ha kulipupwisa, kanda nulengama; lishinjilenu mu Spiritu jenu kulingila Mwene.

1 Tesalonika 4:11

nukeseke chikolo kuhola ni kulinga milimo ya yenwene, ni kukilikita ni moko ja yenwene, chizechene ngwe twanwambile;