Nehemia 4:14 - MUKANDA USANDU WA ZAMBI 1975

¹⁴ Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Mukanda Wa Zambi 1970

¹⁴ Yingumona ngwami, atu haalekumuka, mba yingwalweza hamwe ni miata ni akwa lutwe jo ngwami: “Kanda nuvwila akwa kole jetu woma. Iwulukenu Mwene Zambi kali munene, kali kola woma. Asenu jita, nulamwine usoko wenu, ni ana jenu, ni mapwo jenu, ni majiko jenu.”

Nehemia 4:14 Iomraidhean Croise

2 Samuel 10:12

Tuhamukenu; tupwenu tuli malunga mumu hali atu jetu ni ha yihunda ya Zambi yetu. Yehova akalinge chize chamupemena.

2 Sango Ja Mianangana 32:7

Takamenu ni hamu, kanda nwivwa woma hanji mwongo wa mwanangana wa Asuria chipwe wa mbunga yize ali nayo: mumu yetu tuli ni umwe munene Wahiana, iye keshi nenyi.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Jobe 37:22

Ku Norte kwakukatuka uhenya ngwe oru; Zambi kanazala ulamba umwe wa kuchi-kimisa.

Miaso (Masamu) 143:5

Nakwiwuluka matangwa a kushi. Nakupukuna ha yilinga ye yeswe. Nakuzewula yitanga ya moko je.

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Miaso (Masamu) 27:1

Yehova iye pangu liami ni ulamwino wami. Iya mungumuvwila woma? Yehova iye tachi ja mwono wami. Iya mungumuvwila woma?

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 65:5

Yena Zambi ya ulamwino wetu, ni ululi mukatukumbulula ni yuma ya mwongo. Kuli yena atu eswe ndo ku masongo a hashi kakujikijila, ni waze atwama kusuku ha kalunga-lwiji.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Miaso (Masamu) 66:5

Tweyenu numone yitanga ya Zambi; kakukolesa woma ni yilinga yenyi kuli ana ja atu.

Kutuhuka 14:14

Yehova kumakanwashila jita. Enu munukahola kwenu.

Kutuhuka 14:25

Iye yasokola maroda ja matemba jo chocho chapwile chikalu kwaendesa. A-Engitu ambile ngwo, Tuchinenu kumeso ja A-Izalele mumu Yehova kanaashila jita ni A-Engitu.

Longeshi 12:1

Iwuluka Tangi ye ha matangwa ja ukweze we, shimbu matangwa api kandeza, hanji miaka yize muyiza muze muwamba ngwe, Chawahililile nayo.

Daniel 11:32

Waze akulinga chipi ni usendo makaapepieka nikwahengesa; alioze atu aze ananyingika Zambi yo makatakama, makalinga.

Zakaria 14:3

Mba Yehova makatuhuka mukwasa jita ni mavungu aze ngwe akulinga ha tangwa lia jita.

Kwalula 14:9

Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Shimbi 1:21

Kutala! Yehova Zambi yenu kanase kumeso jenu che chifuchi, nukanduke, nuchizuke ngwe Yehova Zambi ya tulamba twenu ambile kuli yenu. Kanda nwivwa woma, chipwe mwongo, ka.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Akwa Kuyula 3:27

Muze haheta yemba chitavwi mu chifuchi cha Eframe ku milundu, mba A-Izalele akatukile ku chifuchi cha milundu hamwe nenyi, iye te kanaatetekela.