Nehemia 4:10 - MUKANDA USANDU WA ZAMBI 1975

¹⁰ A-Yunda yamba ngwo, Tachi ja akwa kututa yiteli hijatepuluka ni yiswaswa yinji yiliko; kashika kutwahashile kutunga chipanga-cha-mawe.

Mukanda Wa Zambi 1970

¹⁰ Ayuda te kaanembi mwaso uno ngwo: “Hitwalekumuka ni kumbata yiteli; yiswaswa yinji yiliko ya kuchiza. Ngwe kuchi mutuhasa kutunga chipanga musono?”

Nehemia 4:10 Iomraidhean Croise

2 Sango Ja Mianangana 2:18

Hakachi ko yasela makumi shimbiali a tununu kumbata yiteli, ni makumi nake a tununu kuteta mitondo mu milundu, ni tununu atatu ni kulakaji asambano a tulayi kushinjika atu ku milimo.

2 Sango Ja Mianangana 34:13

Alayilile nawa akwa yiteli, nikwendesa milimo yeswe yeka ni yeka. Akwa kusonyeka, ni tupita, ni akwa mapito, eswe apwile a kuli A-Levi.

Nehemia 4:11

Ni akwa kulimika ni yetu yamba ngwo, Kechi kunyingika chipwe kumona, ndo hitwaheta mukachi ko nikwashiha ni kukwika ye milimo yikafwe.

Nehemia 4:2

Yamba kumeso ja usoko wenyi ni tujita twa Samaria ngwenyi, Wano A-Yunda amokomoko yika analingi? Te kumalikolesa? Te kumalambula yitapo? Te kumamanununa tangwa limuwika? Mahasa kuvumbula mawe mu milumba ya yiswaswa muze hawema?

Nehemia 4:9

Alioze etu twalembele kuli Zambi yetu, ni kusela tulayi mwalwa ni ufuku mumu hali ayo.

Ezekiel 29:18

Mwana mutu, Nabukanezore mwanangana wa Babilonia wahondanganyishine tujita twenyi kulimika ni Teru. Mutwe mweswe walumukine wa lwole, ni chipaya cheswe chapwesukile; hindu chipwe iye chipwe tujita twenyi katambwile nichimwe ku Teru cha kufweta milimo yize alingile kulimika nayo.

Hagai 1:2

Yehova-wa-Tujita kanambe ngwenyi, Wano atu kanambe ngwo, Matangwa a kutungulula zuwo lia Yehova kanda achiheta.

Kwalula 13:31

Alioze e malunga waze akandukile hamwe nenyi yamba ngwo, Kutwahashile kukanduka nikulimika ni aze atu, mumu o katakama, yetu, ka.

Kwalula 32:9

Mumu muze akandukile ku chikulo cha Esekole, atalile chifuchi, yahongesa mbunge ja A-Izalele nikwachinda kunjila mu chifuchi Yehova aahelecho.