Nehemia 3:4 - MUKANDA USANDU WA ZAMBI 1975

⁴ Yahatako ha kutunga Meremote mwana Uriya mwana Koze. Hikuhatako ha kululika Meshulame mwana Mberekia mwana Meshezabele. Hikuhatako ha kululika Zadoke mwana Bana.

Mukanda Wa Zambi 1970

⁴ Meremote, mwana wa Uria mujikulu wa Hakoze, yatunga Chipinji chize chasulile ko. Meshulame mwana wa Berekia mujikulu wa Meshezabele, yatunga Chipinji chize chasulile ko. Zadoke mwana wa Bana yatunga Chipinji chize chasulile ko.

Nehemia 3:4 Iomraidhean Croise

Ezra 2:61

ni kuli ana a asasendote wano: ana a Habaia, ni ana a Koze, ni ana a Bazilai (yoze wambachile pwo wa kuli ana a mapwo a Ka-Ngiliate Bazilai, mba amulukile jina lio).

Ezra 8:33

Mba ha tangwa liamuchiwana twapezalishile prata, ni oru, ni yikwachilo mu zuwo lia Zambi yetu nikuyikunjika kuli Meremote mwana Uriya mwe sasendote. Kwapwile hamwe nenyi Eleazare mwana Finehase, ni hamwe no Jozabade mwana Yeshua, ni Noadia mwana Binui, A-Levi.

Nehemia 10:15

ni Buni, ni Azegate, ni Bebai;

Nehemia 10:21

ni Meshezabele, ni Zadoke, ni Jadua;

Nehemia 10:7

ni Meshulame, ni Abija, ni Mijamine,

Nehemia 3:21

Hikuhatako Meremote mwana Uriya mwana Koze, yalulika chihanda chikwo, chize ku chikolo cha zuwo lia Eliashipe ndo ku songo lia zuwo lia Eliashipe.

Nehemia 3:3

Chikolo cha yishi yachitunga kuli ana ja Hasena. Yasa manguji ni mikambo; yamika mapito jako, ni yikungo yako, ni njalo jako.

Nehemia 3:30

Yahatako Hanania mwana Shelemia ni Hanune mwana wamuchisambano wa Zalafe, yalulika chihanda chikwo. Yahatako Meshulame mwana Mberekia, yalulika hatalanganyi ni chipatulo chenyi.

Nehemia 3:5

Yahatako ha kululika A-Tekoa, alioze alemu jo kasele kota jo ku milimo ya mwene wo.

Nehemia 6:18

Mumu anji mu Yunda halikata nenyi ni shingo se iye hambata mwana wa Shekania mwana Ara. Ni mwanenyi Jehohana hambata mwana wa Meshulame mwana Mberekia.

Nehemia 7:63

A kuli asasendote wano: ana a Habaia, ni ana a Koze, ni ana a Bazilai (yoze wambachile pwo wa kuli ana a Ka-Ngiliate Bazilai, mba amulukile jina lio).