Nehemia 3:29 - MUKANDA USANDU WA ZAMBI 1975

²⁹ Hikuhatako Zadoke mwana Imere, yalulika hatalanganyi ni zuwo lienyi. Yahatako ku milimo Shemaia mwana She kania kalayi ka chikolo cha Chivumbuko.

Mukanda Wa Zambi 1970

²⁹ Zadoke mwana wa Imere yatunga chize chasulile ko, kulutwe lia zuwo lienyi. Shemaya mwana wa Shekania, kafunga ka chikolo cha Chivumbuko, yatunga chize chasulile ko.

Nehemia 3:29 Iomraidhean Croise

1 Sango Ja Mianangana 3:21

Ana ja Hanania ja malunga wano: Pelatia, ni Jesaia. Ana ja malunga a Refaia, ni ana ja malunga a Amane, ni ana ja malunga a Obadia, ni ana ja malunga a Shekania.

Ezra 10:2

Mba Shekania mwana Jehiele umwe wa ana ja Elame a malunga yakumbulula, yamba kuli Ezera ngwenyi, Hitwavulumuna Zambi yetu ha kumbata mapwo yilambala a ku mavungu a chifuchi, hindu kutalatala kuchili ha chuma chino.

Ezra 2:37

Ana a Imere, kanunu ni makumi atano ni aali.

Nehemia 10:8

ni Mazia, ni Biligai, ni Shemaia: wano e asasendote.

Nehemia 3:28

Helu lia chikolo cha tuvwalu asasendote yalulika, mutu mweswe hatalanganyi ni zuwo lienyi.

Nehemia 3:30

Yahatako Hanania mwana Shelemia ni Hanune mwana wamuchisambano wa Zalafe, yalulika chihanda chikwo. Yahatako Meshulame mwana Mberekia, yalulika hatalanganyi ni chipatulo chenyi.

Nehemia 7:40

Ana a Imere, kanunu ni makumi atano ni aali.

Jeremia 19:2

ukatuhuke ku mungulunga wa Bene-Hinome ku unjililo wa chikolo cha Chiyo-cha-ndeho, wambulule maliji aze mungukulweza.