Nehemia 3:26 - MUKANDA USANDU WA ZAMBI 1975

²⁶ (Achi A-Netinime yatwama mu Ofele kuze kwatalanganyi ni chikolo cha meya ku Chivumbuko ni kaposhi yoze watunda.)

Nehemia 3:26 Iomraidhean Croise

1 Sango Ja Mianangana 9:2

A-Izalele, ni asasendote, ni A-Levi, ni A-Netinime apwile atangu kutwama mu yihinga yo ni mu yihunda yo.

2 Sango Ja Mianangana 27:3

Aye yatunga chikolo cha ku tunda mu zuwo lia Yehova. Yatunga nawa chinji ha chipanga-cha-mawe cha Ofele.

2 Sango Ja Mianangana 33:14

Kulutwe lia yino yuma yatunga chipanga-cha-mawe cha haze ku chihunda cha David, sali lia Ngehone ku Chitokelo mu chikulo kwe ku unjililo wa chikolo cha yishi. Yatunga nawa chipanga-cha-mawe cha Ofele ni kuchisuhisa ni Chizundamo chinene. Yasa nawa tupitau a hamu mu yihunda yeswe ya mu Yunda yili ni yipanga-ya-mawe.

Nehemia 10:28

Mba atu akwo, asasendote, ni A-Levi, ni akwa mapito, ni njimba, ni A-Netinime, ni waze eswe hanalihandununa kuli mavungu a yifuchi akalinge shimbi ja Zambi, ni mapwo jo, ni ana jo a malunga ni a mapwo, eswe aze apwile ni mana ni chinyingi,

Nehemia 11:21

Alioze A-Netinime atwamine mu Ofele. Akwa kuyula A-Netinime te Ziha ni Gispa.

Nehemia 12:37

Yaya ndo ku chikolo cha fuji lia meya ndusu kulutwe yakanduka ku ukandukilo wa chihunda cha David, ku kukanduka cha chipanga helu lia zuwo lia David ndo ku chikolo cha meya kwatalikisa ku Chivumbuko.

Nehemia 3:27

Yahatako A-Tekoa, yalulika chihanda chikwo hatalanganyi ni kaposhi munene watunda, ni ku chipanga-cha-mawe cha Ofele.

Nehemia 8:1

Mba atu eswe akungulukilile ngwe mutu umuwika mu lwaza kulutwe lia chikolo cha meya. Yamba kuli Ezera mukwa kusonyeka anehe we mukanda wa shimbi ja Mose jize Yehova watuminyine A-Izalele.

Nehemia 8:16

Chocho e atu yatuhuka, yayineha, yalitungila yisakila mutu mweswe ha fulumba lia zuwo lienyi, ni mu yize yenyi, ni mu yize ya zuwo lia Zambi, ni ha lwaza ku chikolo cha meya, ni ha lwaza ku chikolo cha Eframe.

Nehemia 8:3

Iye yatangamo ha lwaza kulutwe lia chikolo cha meya, chize ku chimenemene ndo tangwa ha muchima, kumeso ja malunga ni mapwo, ni waze eswe muchialumbunuka. Matwi ja atu eswe apwile kwe ku mukanda wa shimbi.

Izaya 32:14

Mumu zuwo lia mwanangana maliehuka; chihunda cha atu anji machichina; mulundu ni kaposhi wa kalayi muyalumuka mena a tushitu ndo ku miaka, uwahililo wa yimbulu a mu yambu, ni ulilo wa yimuna.