Nehemia 3:21 - MUKANDA USANDU WA ZAMBI 1975

²¹ Hikuhatako Meremote mwana Uriya mwana Koze, yalulika chihanda chikwo, chize ku chikolo cha zuwo lia Eliashipe ndo ku songo lia zuwo lia Eliashipe.

Mukanda Wa Zambi 1970

²¹ Meremote, mwana wa Uria mujikulu wa Hakoze, yatunga chize chasulile ko, ndoo ku songo lia zuwo lia Eliashibe.

Nehemia 3:21 Iomraidhean Croise

1 Sango Ja Mianangana 4:8

Koze yasema Anube, ni Zobeba ni yisemuko ya Aharahele mwana Harume.

Ezra 2:61

ni kuli ana a asasendote wano: ana a Habaia, ni ana a Koze, ni ana a Bazilai (yoze wambachile pwo wa kuli ana a mapwo a Ka-Ngiliate Bazilai, mba amulukile jina lio).

Ezra 8:33

Mba ha tangwa liamuchiwana twapezalishile prata, ni oru, ni yikwachilo mu zuwo lia Zambi yetu nikuyikunjika kuli Meremote mwana Uriya mwe sasendote. Kwapwile hamwe nenyi Eleazare mwana Finehase, ni hamwe no Jozabade mwana Yeshua, ni Noadia mwana Binui, A-Levi.

Nehemia 3:1

Henaho sasendote mukwa lutwe Eliashipe yakatuka ni asasendote ni akwo; yatunga chikolo cha mapanga. Yachisela ku usandu; yamika mapito; ndo lume ku kaposhi ka Hamea yachisela ku usando ndo ku kaposhi ka Hanande.

Nehemia 3:20

Hikuhatako Baruke mwana Zabaia, yalulika chihanda chikwo ni mbunge yeswe, chize ku chihata cha yipanga-ya-mawe ndo ku chikolo cha zuwo lia sasendote mukwa lutwe Eliashipe.

Nehemia 3:22

Yahatako ku milimo asasendote malunga ja chana.

Nehemia 3:4

Yahatako ha kutunga Meremote mwana Uriya mwana Koze. Hikuhatako ha kululika Meshulame mwana Mberekia mwana Meshezabele. Hikuhatako ha kululika Zadoke mwana Bana.

Nehemia 7:63

A kuli asasendote wano: ana a Habaia, ni ana a Koze, ni ana a Bazilai (yoze wambachile pwo wa kuli ana a Ka-Ngiliate Bazilai, mba amulukile jina lio).