Nehemia 3:20 - MUKANDA USANDU WA ZAMBI 1975

²⁰ Hikuhatako Baruke mwana Zabaia, yalulika chihanda chikwo ni mbunge yeswe, chize ku chihata cha yipanga-ya-mawe ndo ku chikolo cha zuwo lia sasendote mukwa lutwe Eliashipe.

Mukanda Wa Zambi 1970

²⁰ Baruke mwana wa Zabai, yatunga chize chasulile ko, ndoo ku chikolo cha zuwo lia mwata wa mahako Eliashibe.

Nehemia 3:20 Iomraidhean Croise

Ezra 10:28

Kuli ana ja Bebaia, Jehohana, ni Hanania, ni Zabaia, ni Atalai.

Nehemia 10:6

ni Daniel, ni Ginetone, ni Baruke,

Nehemia 13:28

Umwe wa ana a malunga ja Joiada mwana Eliashipe mwe sasendote mukwa lutwe, aye te hambata mwana wa Sambalate Ka-Horone. Aye namuhumine lume.

Nehemia 13:4

Shimbu-kanda te, mwe sasendote Eliashipe, yoze amusele kuyula helu lia yipatulo ya zuwo lia Zambi yetu, walifutwile ni Tobia.

Nehemia 3:1

Henaho sasendote mukwa lutwe Eliashipe yakatuka ni asasendote ni akwo; yatunga chikolo cha mapanga. Yachisela ku usandu; yamika mapito; ndo lume ku kaposhi ka Hamea yachisela ku usando ndo ku kaposhi ka Hanande.

Nehemia 3:21

Hikuhatako Meremote mwana Uriya mwana Koze, yalulika chihanda chikwo, chize ku chikolo cha zuwo lia Eliashipe ndo ku songo lia zuwo lia Eliashipe.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

A-ROMA 12:11

Ha kulipupwisa, kanda nulengama; lishinjilenu mu Spiritu jenu kulingila Mwene.