Nehemia 3:19 - MUKANDA USANDU WA ZAMBI 1975

¹⁹ Yahatako ku milimo Ezere mwana Yeshua, mukwa kuyula Mizepa. Yalinga chihanda chikwo hatalanganyi ni jila ya kukanduka ku zuwo lia yikungo ha chihata cha yipanga-ya-mawe.

Mukanda Wa Zambi 1970

¹⁹ Ezere mwana wa Jeshua, mukwa kuyula Mizpa, yatunga chize chasulile ko kulutwe lia zuwo lia yitwa ya jita, ndoo ku mbango ja che chipanga.

Nehemia 3:19 Iomraidhean Croise

2 Sango Ja Mianangana 26:9

Chikwo nawa Uzia yatunga tuposhi mu Yerusaleme ku chikolo cha mbango, ni ku chikolo cha chikulo, ni ku konda ya chipanga-cha-mawe ni kwakolesa ha jita.

Nehemia 10:9

A-Levi, o Yeshua, mwana Azania, ni Binui, wa kuli ana ja Henadade, Kamiele:

Nehemia 12:8

Kwapwile nawa A-Levi: Yeshua, ni Binui, ni Kamiele, ni Sherebia, ni Yunda, ni Matania yoze wasongwelele kusakwila, iye ni usoko wenyi.

Nehemia 3:15

Chikolo cha fuji lia meya yachilulika kuli Shalume mwana Kole-hoze, mukwa kuyula chifuchi cha Mizepa. Yachitunga ni kuchifuka ni kumika mapito jako, ni yikungo yako, ni njalo jako, ni chipanga-cha-mawe cha ku Chitende cha Shiloa hakamwihi ni munda wa mwanangana ndo ku ukandukilo uze wa kupalumukina ku chihunda cha David.

Nehemia 3:18

Yahatako usoko wo, Bavaia mwana Henadade, mukwa kuyula chihanda cha ha muchima cha chifuchi cha Kela.

Nehemia 3:24

Yahatako Binui mwana Henadade, yalulika chihanda chikwo, chize ku zuwo lia Azaria ndo ku chihata cha yipanga-ya-mawe ni ndo ku mbango.